සටහන හා ඡායාරූප
නිමල් අල්ගෙවත්ත සහ ශ්රියානි විජේසිංහ –
ලෝකය හරිත උයනක් කරන්නට තම නිවස කර මත තබාගෙන ලොව වටා යන අපේ කාලයේ අමුතුම පරිසරහිතකාමි අපුරු පුදුම මිනිසෙක් මේ දිවනල ලංකාවට පැමිණ තිබේ .මොහු දකුණු අප්රිකානු ජාතිකයෙකි නමින් Nthony Stone ය. ලෝකය වටා යන ගමන් ඔහු ලංකාවටත් ඇවිත් තිබෙන්නේ ගස් සිටුවීමටය.
ඔහු ලංකා වටේ පා ගමනින් ගොස් පැල සිටුවීම පැළ සිටවන්නන්ට උපදෙස් දීම හා ඒවා අගය කිරීම විනෝදාංශයක් ලෙස කරගෙන යන්නෙකි.
දෙවුන්දර තුඩුවේ සිට පේදුරු තුඩුව දක්වා ගමන් කරන මෙම විදේශීකයා මගතොටදී ඔබ දුටුවොත් පහසුවෙන් හඳුනා ගැනීමට හැකිය. පොඩි ටේලර් එකක් බඩේ බැදගෙන නැතහොත් කරේ තියාගෙන ඇතැම් විට මහා රූස්ස ගස්වලට වැඳ වැඳ ගැස්වැල් අතගාමීන් ඒවා සමඟ සෙල්ෆි ගසමින් ගමන් ඔහු ගමන් කරමින් සිටින්නේය.
මෙසේ ගමන් කරන මොහුට ඇතැමෙක් අවශ්ය නවාතැන් පහසුකම් ලබා දෙන්නේය . නවාතැන් පහසුකම් නැතත් ඔහුගේ කරේ එල්ලාගෙන යන ට්රේලරයේ ජංගම නිවසක් සුරක්ෂිත හසුරා ඇත්තේය. ඔහු ට රාත්රිය ගතකිරීමට නවාතැනක් හමු නොවුනහොත් ඔහු සිය ට්රේලරය පාරේ අයිනක හෝ පිට්ටනිය අයිනක නතර කර එහි තිබෙන කූඩාරම ගෙන නිවසක් ගන්නේය. මෙම කුඩාරම තුළ නිවසකට අවශ්ය කරන සියලුම අංගෝපාංග තිබීම විශේෂත්වයකි.
ඔහු යූ ටියුබ් චානලයක හිමිකරුවෙකි. පැළ සිටුවමින් ලොව පුරා කරනු ලබන සංචාරයන්ගේ විස්තර හා ඡායාරූප මොහුගේ යූ ටියුබ් චැනලය හරහා ප්රසිද්ධ කරමින් උපයා ගන්නා මුදල් ලොව පුරා පැළ සිටුවීමේ ව්යාපෘතියට යොදවනු ලබන බව Nthony Stone කීවේය.
ගස් වැලි කපා විනාශ කර මේ ලොව ගිනි ගොඩක් බවට පත් කර ඇති බවත් එය සිසිල් කිරීම තමාගේ වෑයම බවත් මේ අපූරු මිනිසා අපට කීවේය.
“ ලොව පුර මේ ගමන යන විට මට බොහෝ පිරිසක් උපකාර කරනවා. මුදල් ආධා ර පවා දෙනවා. ලොව පුරා සිටින මිතුරන් තමයි මට මේ හරිත ලොවක් සඳහා ගමනකට සහාය ශක්තිය බර පැන දෙන්නේ. මේ ලංකාවේ Hotel Lean at 83 අධිපති නීල් මගේ මිතුරා මට ලංකා ගමනට උපකාර කළා. මගෙන් මම හෝටලයේ හිටියට මිලක් ගත්තේ නෑ. “
“ලංකාවේ ආදරණීය මිනිසුස් හුඟාක් ඉන්නවා. ඒ නිසා මට මේ හරිත ව්යාාපෘතිය කර ගන්න පහසුයි. මම ලංකාවට වගේම මෙහි මිනිසුන්ටත් ආදරෙයි. ලෙංගතු මිනිසුන් සිටින ලංකාවේ ගස්වැල්වලට ආදරය කරන මිනිසුන් සිටිනවා . මම ලෝකයේ අන් රටවල් මෙන්ම මේ රටත් සිසිල් කරන්න දායක වෙනවා.” යැයි ඔහු පැවසීය.
Nthony Stone වයස අවුරුදු 52ක පුද්ගලයෙකි. ඔහු වසර 30ක් පුරා රට රටවල් සිය ගණනක ඇවිද අත්දැකීම් ලැබ ඇත්තේය. ඒ යන චාරිකාවේදී ඔහු ලංකාව ගැන කියන කතාව ලෝකයට අලුත් පණිවිඩයක් දෙනු ඇත.
ඇවිදිමින් හරිත ලොවක් තැනීමට දායක වන පරිසරයට ආදරය කරන ආදරණීය මිනිසෙකි.
