ලක් විජය ගල් අඟුරු බලාගාරය ආරම්භයේ පටන් ගල් අඟුරු ප්රසම්පාදන ක්රියාවලිය Lanka Coal Company (Private) Limited හරහා මෙන්ම විවිධ සමාගම් හරහා ද සිදුවී ඇති නමුත් මේ වනවිට ආනයනය කර ඇති ප්රමිතියෙන් හීන ගල් අඟුරු ආනයනයක් මින් පෙර බලාගාර ඉතිහාසයේ සිදුවි නැති බව ලංකා විදුලි බල මණ්ඩල ඉංජිනේරු සංගමය නිවේදනයක් නිකුත් කරමින් ප්රකාශ කරයි.
වෘත්තීයවේදී සංගමයක් ලෙස මෙය ඉතා බරපතල තත්වයක් වශයෙන් නිරීක්ෂණය කරන බවත්, ප්රශ්නගත ප්රසම්පාදනය තුළින් ලංකා විදුලිබල මණ්ඩලයට හා විදුලි පාරිභෝගිකයන්ට සිදුවන රුපියල් බිලියන ගණනක අලාභයට වගකිය යුත්තන් විධිමත්ව හඳුනාගෙන ඔවුන්ට එරෙහිව තදින්ම නීතිය ක්රියාත්මක කළ යුතු බවත් තම සංගමය තරයේම අවධාරණය කරන බවත් එම සංගමය සිය නිවේදනය හරහා වැඩිදුරටත් ප්රකාශ කරයි.
මෙම අලාභය හුදෙක් අමාත්යංශ අභ්යන්තර කමිටු මඟින් ගණනය නොකළ යුතු අතර, නිවැරදි තාක්ෂණික ඇගැයීමක් මඟින් විනිවිද භාවයකින් යුක්ත ලෙස ගණනය කිරීම් සිදු කළ යුතු බව සඳහන් කරන සංගමය මෙම ප්රවණතාවයන් හමුවේ සත්ය හෙළි කිරීමට ඉදිරිපත් වන සිය සංගමයේ සාමාජිකයින් ඇතුළු ලක්විජය බලාගාරයේ සියළු සේවකයන්ට කිසිදු බලපෑමක් සිදු නොකළ යුතු බවට ලංකා විදුලි බල මණ්ඩල ඉංජිනේරු සංගමය අවධාරණය කරයි.
එලෙස සිදු කරන ඕනෑම බලපෑමකට එරෙහිව දැඩි වෘත්තීය ක්රියාමාර්ග ගන්නා බවටද සංගමය දැනුම් දෙයි.
සංගමය මෙම නිවේදනය නිකුත් කරන්නේ අද කැබිනට් මාධ්ය ප්රකාශක වෛද්ය නලින්ද ජයතිස්ස ගල් අඟුරු ටෙන්ඩරය සම්බන්ධව දීර්ඝ ලෙස මාධ්ය හමුවේ කරුණු පැහැදිලි කිරීමෙන් අනතුරුවය.
නලින්ද ජයතිස්ස ඇමතිවරයා රජය පාර්ශවයෙන් මාධ්ය ඇසූ ප්රශ්නවලට පිළිතුරු ලබා දුන් ලිපිය පහතින් දැක්වේ.
ගල් අඟුරු ටෙන්ඩරයෙන් ආණ්ඩුවට කෙළවුනා ද?… මාධ්ය ඇසූ ප්රශ්නවලට ආණ්ඩුව දුන් පිළිතුර කියවන්න!
