විදේශ විනිමය අර්බුදයක ගිලී සිටින ශ්රි ලංකාවට සහනහීලී ණය පදනම මත ඛනිජ තෙල් ලබා දීමට රුසියානු රජය එකඟතාව පළ කර ඇති බව රුසියාවේ ශ්රි ලංකා තානපතිනි මහාචාර්ය ජනිතා ලියනගේ පවසයි. ශ්රි ලංකාවේ හිටපු තානාපති ආචාර්ය සමන් වීරසිංහ ඇතුළු ශ්රි ලංකා කණ්ඩයමක් රුසියානු බලධාරීන් සමඟ කළ සාකච්ඡාවක ප්රතිඵලයක් ලෙස ඉදිරියේදී මෙලෙස ණය සහන පදනම යටතේ ශ්රි ලංකාවට වානිජ ණයක් ලබා දීමට තීරණය වී ඇතැයි ඇය සඳහන් කරයි.
මේ වනවිටත් ශ්රි ලංකාවට අවශ්ය ඉන්ධනවලින් සැලකිය යුතු ප්රමාණයක් රුසියාවෙන් ගෙන්වන අතර එය ආරංචි මාර්ග සඳහන් කරන්නේ එය බොහෝ විට ස්ථානීය ටෙන්ඩර් ක්රමවේදය යටතේ පෞද්ගලික ගැනුම්කරුවන් වෙතින් ලබා ගන්නා බවය. ෆයිනෑන්ෂල් ටයිම්ස් පුවත්පත මීට දින කිහිපයකට පෙර ජාත්යන්තර ඛනිජ තෙල් වෙළෙඳපොළ විශ්ලේෂණ සාමාගම් දෙකක් උපුටා දක්වමින් සඳහන් කළේ දැඩි විදේශ විනිමය අර්බුදයක සිටින ශ්රි ලංකාව ඇතුළු රටවල් ගණනාවක් අඩු මිට රුසියාවෙන් තෙල් මිලදී ගැනීම කටයුතු කර ඇති බවයි.
යුරෝපීය සම්බාධක හේතුවෙන් බිඳ වැටී ඇති රුසියානු තෙල් වෙළෙඳපොළ පවතින සහන මත පදනම්ව මෙම රටවල් තෙල් මිලදී ගන්නා බවත් මේ අනුව පසුගිය මැයි මාසය දක්වා ගත වූ මාස 05 තුළ ශ්රි ලංකාවේ ඉන්ධන ඇණවුම්වලින් සියයට 79ක්ම එනම් බැරල් මිලියන 2.1ක් රුසියාවෙන් ලබා ගැනීමට හ්රි ලංකාව කටයුතු කර ඇති බවයි.
