කළුතර විද්යාලයේ උසස් පෙළ හැදෑරීමට පැමිණි නවක සිසුවෙකුට විද්යාලයේ තවත් සිසුන් පිරිසක් පහරදීමෙන් තුවාල ලබා මේවන විට ශ්රී ජයවර්ධනපුර රෝහලේ හදිසි ප්රතිකාර ඒකකයේ ප්රතිකාර ලබමින් සිටී.
මෙම සිසුවා පහර කෑමට ලක් වී ඇත්තේ පසුගිය 16 වැනිදා ය. නිම්න රන්මාල් ජයරත්න නැමැති මෙම සිසුවා පසුගිය 16 වැනිදා උසස් පෙළ අධ්යයනයකටයුතු සඳහා කළුතර විද්යාලයට ඇතුළත් වී තිබේ.
සසුවාගේ මව්පියන් පවසන්නේ පළමු දිනයේ පාසලට පැමිණි සිසුවාගෙන් රුපියල් 20ක් ඉල්ලා එය ලබා දීමට නොහැකි බව පැවසීමෙන් සිසුන් විසින් පහර දී ඇති බවත් එම පහර දීමෙන් සිසුවාගේ මුහුණට බරපතල තුවාල සිදුවී ඇති බවත්ය.
මෙම පහරදීමේදී නිම්නගේ ඇස අවට ඉදිමී ඇති අතර නාසයෙන් රුධිරය ද වහනය වීම හේතුවෙන් සිසුවා කළුතර නාගොඩ ශික්ෂණ රෝහලට ඇතුළත් කර තිබේ.
කෙසේ වෙතත්, ප්රතිකාර ලබා නිවසට පැමිණි නිම්නගේ නාසයෙන් තවදුරටත් රුධිරය වහනය වීම හේතුවෙන් ඔවුන් දරුවා ශ්රී ජයවර්ධනපුර රෝහලට ඇතුළත් කර තිබේ.
ශ්රී ජයවර්ධනපුර රෝහල මගින් සිදුකළ පරීක්ෂණයෙන් අනතුරුව නිම්න රන්මාල් ශල්යකර්මයකට භාජනය කර මේ වනවිට හදිසි ප්රතිකාර ඒකකයේ ප්රතිකාර ලබයි. ඔහුගේ මුහුණේ අස්ථි බිඳීමක් සිදුවී ඇති බවත් ශල්යකර්මයෙන් “ප්ලේට්“ එකක් දැමීමට සිදුවී ඇති බවත් වෛද්යවරු පියාට දන්වා තිබේ.
මව්පියන් පවසන්නේ, පහරදීම සම්බන්ධයෙන් තමන් කළුතර දකුණ පොලිස් ස්ථානයට පැමිණිලි කළ බවය.
එහිදී පහරදුන් සිසුන් 03 ක් අත්අඩංගුවට ගෙන තිබේ. තම දරුවාට පහර දුන් සිසුන් තිදෙනා හොඳ ක්රිකට් ක්රීඩකයින් බැවින් මෙම ප්රශ්නය ගොඩින් බේරා ගන්නා ලෙස කළුතර විද්යාලයේ ආදිශිෂ්ය සංගමයෙන්, නාගොඩ රෝහලේ වෛද්යවරුන්ගෙන්, හෙදියන්ගෙන් සහ පාසලේ ගුරුවරුන්ගෙන් තමන්ට බලපෑම් එල්ල වූ බවත් දරුවාගේ පියා මාධ්යයට පවසා තිබිණි.
