මනම්පිටිය නිමල් ජයරත්න –
ගංවතුරට හසුව රැළෙන් වෙන්වී අතරමංව සිටි අලි පැටවෙකු මී හරක් රංචුවක් සමග දිවුලාන ගමට පැමිණියේය.
මේ දිනවල පොළොන්නරුව දිස්ත්රීක්කයට ඇදහැලෙන අධික වර්ෂාපතනය හා මහවැලි ගග පිටාර ගැලීම හේතුවෙන් පොළොන්නරුව දිවුලාන විල්ලුව පිටාර ගලයි. මේ තත්ත්වය මත බොහෝ සත්තු වන දහන තුළම අතරමං වෙති.
එවැනි හේතුවක් නිසා රැළෙන් වෙන්ව අතරමංව සිටි වන අලි පැටවෙකු අද දහවල් මී හරක් රංචුවක් සමග දිවුලාන ගම්මානයයේ පිහිටි ගවමඩුවක් වෙත පැමිණ ඇත.
මෙලෙස මී හරක් රංචුවක් සමග දිවුලාන ගම්මානයේ පිහිටි ගව මඩුවක් වෙත පැමිණ සිටින වන අලි පැටවා සෝමාවතිය රක්ෂිතයේ සැරිසරන වයස අවුරුදු 4-5ත් අතර පසුවන උස අඩි 05ක් පමණ වන අලි පැටවෙකු බව ගම්වැසියෝ පවසයි.
මී හරක් රංචුව සමග ඉතා සමීපව සැරිසරන මෙම අලි පැටවා දැක බලා ගැනීම සඳහා විශාල පිරිසක් එම ගව මඩුව වෙත පැමිණෙමින් සිටිති.
