පවතින අර්බුදයට රාජපක්ෂවරුන්ටත් වඩා වගකිවයුතු වඳකොත්තු කාරයින්ගේ අලුත් දේශපාලන නාඩගමට මේ රට තුළ වලංගු භාවයක් නැති බව මඩකලපු දිස්ත්රික් පාර්ලිමේන්තු මන්ත්රී ෂානක්කියන් රාජපුත්තිරන් රාසමාණික්කම් මන්ත්රීවරයා අද පාර්ලිමේන්තුවේ දී පැවසුවේය.
මේ දේශපාලන නලුවන් බොරුකාරයින් නාට්යකාරයින් වෙනුවට තරුණ දේශපාලකයින් කණ්ඩායමක් වෙත රට භාරදීමට සුදුසු කාලය එළඹ ඇතැයි පැවසූ ඔහු මෙවැනි චරිත දේශපාලනයෙන් අතුගා දැමිය යුතු බවට ජනතාවට යෝජනා කරන බව කීවේය.
ඔහු මෙසේ ද පැවසුවේය.
“මේ රටේ ආර්ථිකය බිඳ දාලා ලංකාවෙ මිනිස්සුන්ව මන්දපෝෂණ තත්ත්වයට ගෙනාපු, මේ දේශපාලන අර්බුදය ඇතිකරන්න ප්රධාන වශයෙන් වගකිවයුතු පුද්ගලයින් නැවත වාරයක් අලුත් දේශපාලන නාට්යයක් පටන් අරන් තියනවා.“
“උත්තර ලංකා සභාගය. හොඳට තියෙයි. මේ සියලු දේට වගකියන්න ඕන සෙට් එකම එතන.“
“ඉදිරිපෙළ හිටපු නායකයො උප නායකයො ඔක්කොම ටික. නායකයා මොනවද කිව්වෙ. මහතිර් මොහමඩුයි ලී ක්වාන්යූයි ඇවිත් රට හදනවා කියලා. දැන් මොනවද කියන්නෙ. “
“ලේකම්වරයා කඩුවකුත් අරන් සිංහලේ කියාගෙන ගිය පුද්ගලයා. ඉන්දියාවෙන් ආයෝජන එනකොට මේ රට අස්ථාවර කරන රෝ ඒජන්තවරු එනවා කියපු මනුස්සයා. එයා තමයි ලේකම්. ඩොක්ටර් සාෆි සහ වඳපෙති ගැන කියපු කෙනා තව උප ලේකම් කෙනෙක්. අයිඑම් එෆ් ගියොත් රට විනාශ වෙනවා කියපු කෙනා තවත් උප සභාපතිවරයෙක්. “
“ක්රිකට් කණ්ඩායම තරුණ පිරිසකට භාර දුන්නා වගේ දේශපාලනයත් තරුණ පිරිසකට භාර දෙන්න. මේ රටේ ජනතාවට කියනවා මේ වගේ නළුවො ඩ්රාමා කාරයො, බොරු කාරයො නැවත වරක් රැවටෙන්න එපා. රටේ තියන මේ ප්රශ්නවලට රාජපක්ෂවරු කොච්චර වගකියන්න ඕනද ඊට වඩා මේ අය වගකිව යුතුයි. බොරු චරිත පිම්බුවේ මේ ගොල්ලො. මේ අය දේශපාලනයෙන අතුගාලා දාන්න කියලා මා ජනතාවගෙන් ඉල්ලනවා.“
