-
වර්ජනය කඩාකප්පල් කරන්න සම්බන්ධිකරණ ලේකම්වරයෙක් රාජ්ය මාධ්ය යොදාගෙන දරන වෑයමත් දැඩි ලෙස හෙළා දකිනවා…
රජයේ වෛද්ය නිලධාරින්ගේ සංගමය විසින් හෙට (25) දිනයේදී දීප ව්යාප්ත මට්ටමින් ආරම්භ කිරිමට කටයුතු යොදා ඇති වැඩ වර්ජනය අතහැර ඇති බවට ඇතැම් සමාජ මාධ්ය මගින් පලවන ප්රවෘත්තියේ කිසිම සත්යයක් නොමැති බව එම සංගමය සඳහන් කරයි.
සෞඛ්ය ඇමති වෛද්ය නලින්ද ජයතිස්සගෙන් සාකච්ඡාවකට ආරාධනා ලැබුණහොත් කොයි මොහොතක හෝ සාකච්ඡාවකට සුදානම් බවත් එසේ නොවුනහොත් හෙට දිනයේදී පැවැත්වීමට නියමිත වැඩ වර්ජනයේ කිසිදු වෙනසක් සිදු නොවන බවත් සංගමයේ මාධ්ය ප්රකාශ වෛද්ය චමිල් විජේසිංහ පවසා සිටියි.
මේ අතර වෛද්ය වර්ජනය කඩා කප්පල් කිරීමට සෞඛ්ය අමාත්යංශයේ සම්බන්ධිකරණ ලේකම්වරයෙක් රාජ්ය මාධ්ය භාවිත කරමින් තවත් පසෙකින් කටයුතු කිරිමට දැඩි ලෙස හෙලා දකින බවද සංගමය සඳහන් කරයි.
