ක්රීඩා ඇමති සුනිල් කුමාර ගමගේ විසින් ඉදිරිපත් කරනු ලැබ පසුගියදා පාර්ලිමේන්තුවේදී සම්මත කරගත් නව ක්රීඩා පනත් සංශෝධනයට පටහැනි අන්දමින් ක්රිකට් ව්යවස්ථාව සංශෝධනය කර ගැනීම සඳහා ක්රිකට් බලධාරීන් විශේෂ මහා සභා රැස්වීමක් කැඳවීමට යන බව වාර්තා වේ.
මෙහි අරමුණ වී ඇත්තේ විධායක සභාවට ඉහළින් කටයුතු කරන පූර්ණ බලැති උපදේශකයන් හත් දෙනකු පත් කර ගැනීමය.
පිලර් වරුන් ලෙස හඳුන්වන මේ හත් දෙනා නව ක්රීඩා ව්යවස්ථාවට අනුව මීළඟට විධායක සභාවේ මුල් පුටු වලට ඒමට නොහැකි හිටපු නිලධාරීන් නැවත විධායක සභාවට ගෙන්වා ගැනීමයි.
පසුගිය නිලවරණය පැවැත්වූ ආකාරය වැරදි බවට චෝදනා කරමින් හිටපු උප සභාපතිවරයකු විසින් ගොනු කළ නඩුවක් මේ වන විට ශ්රේෂ්ඨාධිකරණයේ විභාග වෙමින් තිබියදී මොවුන් මෙවැනි තීරණ ගැනීම විශේෂ සිද්ධියකි.
ක්රීඩා ඇමතිවරයාද ක්රිකට් බලධාරීන්ගේ අත්තනෝමතික කටයුතු පිළිබඳ නිහඬ පිළිවෙතක් අනුගමනය කිරීම පුදුමයට කරුණක් බව ශ්රී ලංකා ක්රිකට් ආයතනයේ පිරිස් පවසති.
