ලලිත් චාමින්ද –
රාජ්ය මුද්රණ සංස්ථාවට ණයවර ලිපිවලින් කඩදාසි ආනයනය කර මිලදි ගැනිමට හැකියාව තිබියදි එසේ සිදුනොකර දේශිය සැපයුම්කරුවන්ගෙන් කඩදාසි මිලදි ගැනීම හේතුවෙන් සංස්ථාවට රුපියල් හයකෝටි, දහනමලක්ෂ, හතලිස්නව දහස්, නවසිය අනු එකක (61,949,991) පාඩුවක් වි ඇති බව ජාතික විගණන කාර්යාලය පවසයි.
මේ සම්බන්දයෙන් පරික්ෂණයක් සිදුකර වගකිවයුතු නිලධාරින් හඳුනාගෙන අවශ්ය ක්රියාමාර්ග ගතයුතු බවද විගණනය මගින් නිර්දේශකොට ඇත.
ණයවර ලිපි මගින් රුපියල් හතලිස් හතර කෝටි, අසුදෙලක්ෂ අනු නව දහස්,තුන්සිය හැටහතරක (448,299,364) මුදලකට කඩදාසි ආනයනය කර මිලදි ගැනිමට හැකියාව තිබු බවද විගණන වාර්තාවේ සඳහන් වේ.
එහෙත් එසේ සිදුනොකර දේශිය සැපයුම්කරුවන්ගෙන් රුපියල් පනස් එක්කෝටි,විසිහතර ලක්ෂ නවදහස් තුන්සිය පනස්පහක (510,249,355) මුදලකට කඩදාසි මිලදි ගැනීම හේතුවෙන් මෙම පාඩුව වි ඇති බව ද විගණනය මගින් අනාවරණය කොට ඇත.
