රජයේ ප්රවෘත්ති දෙපාර්තමේන්තුව යටතේ ඇති ප්රකාශන කාර්යාංශයේ දිස්ත්රික් අළෙවි සැල් සියල්ල වසා දැමීමට තීරණය කර තිබේ.
රජයේ ප්රවෘත්ති දෙපාර්තමේන්තුවේ අධ්යක්ෂ ජනරාල්වරයා විසින් මේ බව දන්වමින් දිස්ත්රික් ලේකම්වරු වෙත ලිපියක් ද යොමුකර ඇත.
මහනුවර, වවුනියාව, ගාල්ල, අනුරාධපුර හා බදුල්ල යන දිස්ත්රික්කයන්හි රජයේ ප්රකාශන අළෙවි සැල් ස්ථාපිත කරනු ලැබුවේ මෙයට තෙවසකරට පමණ පෙර ජනමාධ්ය ඇමැතිවරයා ලෙස කෙහෙලිය රඹුක්වැල්ල කටයුතු කළ සමයේදී ය.
ගැසට් පත්ර, පාර්ලිමේන්තු පනත්, ආයතන සංග්රහ ඇතුළු රජයේ සියලුම නිල ප්රකාශන මිල දී ගැනීමට මෙම කාර්යාල මගින් පහසුකම් සලසා තිබුණු අතර හිටිහැටියේ මේවා වසා දැමීමත් සමඟ අදාළ ප්රකාශන මිලට ගැනීමට අවශ්යය අයෙකුට පොල්හේන්ගොඩ ප්රධාන කාර්යාලය වෙත යෑමට සිදුව ඇත.
කලක් වසා දමා තිබුණු මහනුවර ප්රකාශන කාර්යාලය කෙහෙලිය රඹුක්වැල්ල සමයේ යළි විවෘත කරනු ලැබුවේ රුපියල් ලක්ෂ 25 ක පමණ මුදලක් වැයකර ගොඩනැගිල්ලක් ප්රතිසංස්කරණය කිරීමෙන් පසුවය.
රජයේ නිල ප්රකාශන මිල දී ගැනීම සඳහා මහනුවර, මාතලේ, කෑගල්ල,නුවරඑළිය, කුරුණෑගල ආදි දිස්ත්රික්ක ගණනාවකටම ඇති මහනුවර කාර්යාලය වසා නොදනමන ලෙස ඉල්ලමින් නිතීඥවරු පිරිසක් මහනුවර සම්බන්ධීකරණ කමිටුවට ලිපියක් ද ඉදිරිපත් කර තිබේ.
ප්රාදේශීය කාර්යාල මගින් අපේක්ෂික ආදායම නොලැබීම හේතුවෙන් අදාළ තීරණය ගත් බව රජයේ ප්රවෘත්ති දෙපාර්තමේන්තුව පැවසුතවත් මාස ගණනාවක් තිස්සේ මෙම කාර්යාල වෙත ප්රකාශන එවා නොමැති බව දැන ගන්නට ඇත.
මහනුවර කාර්යාලය වසා දමන බව සැලවීමත් සමඟ පසුගිය දෙසැම්බර් මස අවසන් සතියේ නීතීඥවරු ඇතුළු බොහෝ පිරිසක් අති විශාල පොත් තොගයක් මිලට ගෙන තිබේ.
