දිනසේන රතුගමගේ –
2012 වසරේ සිට යුද හමුදාව විසින් භාවිත කළ යාපනයේ බණ්ඩතරිප්පු යුද හමුදා කඳවුරෙන් හමුදා සේනාංක ඉවත් වී එම ඉඩමේ ජනතාව යලි පදිංචි කරවීම පිණිස චන්දිලිපායී ප්රාදේශීය ලේකම්වරයා වෙත ඊයේ (28) බාර දී තිබේ.
එම කඳවුරේ සිටි හමුදා සේනාංක මේ වන විට යාපනයේ අරාලි යුද හමුදා කඳවුර වෙත අනුයුක්ත කොට ඇත.
පසුගිය සතියේද යාපනයේ සුළිපුරම් යුද හමුදා කඳවුරෙන් හමුදා සේනාංක ඉවත් වී ජනතාව යළි පදිංචි කරවීම පිණිස එම ඉඩම යාපනය දිසාපති කාර්යාලය වෙත බාර දී තිබුණි.
යුද සමයේදී යාපනයේ ආරක්ෂාව වෙනුවෙන් ස්ථාපිත කරණ ලද යුද හමුදා සේනාංක මේ වන විට සාමාන්ය වැසියන්ගේ ඉඩම්වලින් ඉවත් කිරීමේ කටයුතු ආරම්භ කොට ඇති අතර යාපනයේ ඉඩම් අක්කර 2000 කට ආසන්න ප්රමාණයක් මේ වන විට යුද හමුදාව විසින් යාපනයේ විවිධ ප්රදේශවල ප්රාදේශීය ලේකම් වරුන්ට හා දිසාපති කාර්යාලය වෙත බාර දී තිබේ.
යුද හමුදාව යාපනයේ වැසියන්ගේ ඉඩම්වලින් ඉවත් වීමට පෙර කඳවුරේ ආරක්ෂාව වෙනුවෙන් වළදමන ලද සියලුම බිම්බෝම්බ ඉවත් කොට ඇති අතර බොහෝ ගොඩනැගිලිද ඉවත් නොකොට ඒවා ඒ අන්දමටම තිබෙන්නට හැර හමුදා සේනාංක ඉවත්ව ගොස් තිබේ.
