ලලිත් චාමින්ද –
ඇල්පිටිය අම්බලන්ගොඩ ප්රධාන මාර්ගයේ ඌරන්වල ප්ර දේශයේ දි ඊයේ (06) රාත්රියේ යතුරුපැදියක් හා කැබ් රථයක මුහුණ මුහුණ ගැටීමෙන් යතුරුපැදියේ ගමන් ගත් අඹුසැමි යුවල මියගොස් තිබේ.
අනතුරින් බරපතල තුවාල ලැබූ අඹුසැමි යුවළ ගාල්ල කරාපිටිය ශික්ෂණ රෝහලට ඇතුළත් කිරිමෙන් පසු මියගොස් ඇති බැව ඇල්පිටිය පොලිසිය පවසයි.
මෙම අනතුරෙන් මියගොස් ඇත්තේ බද්දේගම හල්පාතොට ප්ර දේශයේ පදිංචි ප්රසන්න ගුරුසිංහ (42) සහ ටි.එම් ගංගා නිල්මිණි (39) නැමති අඹුසැමි යුවළකි.
කැබ්රථය කුරුදුගහහැතැප්ම දෙස සිට ඇල්පිටිය දෙසට ධාවනය වෙමින් තිබි ඇති අතර අඹු සැමි යුවළ ගමන්ගත් යතුරුපැදිය ඇල්පිටිය දෙස සිට කුරුදුගහහැතැප්ම දෙසට ධාවනය වෙමින් තිබි ඇති බව පොලිසිය පවසයි.
අනතුරෙන් තුවාල ලැබු අඹුසැමි යුවළ ඇල්පිටිය රෝහලට ඇතුලත් කිරිමෙන් පසු වැඩිදුර ප්රතිකාර සදහා ගාල්ල කරාපිටිය ශික්ෂණ රෝහලට ඇතුළත්කිරිමෙන් පසු දැඩි සත්කාර ඒකකයේ ප්රථිකාර ලබමින් සිටියදි මියගොස් ඇත.
මෙම යුවළට දරුවන් දෙදෙනෙකු සිටින අතර දියණිය මෙවර අ.පො.ස. උසස්පෙළ විභාගයට පෙනී සිටිමින් ඇත. පුතු අට ශ්රේණියේ ඉගෙනුම ලබයි.
මියගිය අඹු සැමි යුවළගේ හදිසි මරණ පරික්ෂණය අද (07) ගාල්ල කරාපිටිය ශික්ෂණ රෝහලේ දි පැවැත්විමට නියමිතව ඇත.
