ශ්රියානි විජේසිංහ –
දුම්කොළ සමග බුලත්විට අලෙවි කරන වෙළෙදුන් සොයා දීපව්යාප්ත මෙහෙයුමක් ආරම්බ කළ බව මහජන සෞඛය පරික්ෂකරුන්ගේ සංගමය සදහන් කරයි.
දුම්කොළ සමඟ බුලත්විට අලෙවි නොකරන ලෙසට වසර 2006 සිටම වෙළෙදුන්ව දැනුවත් කළ නමුත් මේ වන තෙක් දුම්කොළ සමග බුලත් විට අලෙවිය නතර කර නොමැතිබව සංගමය කියයි.
මේ වන විට මුඛ පිළිකාව අංක එකට පැමිණ ඇති බැවින් එය වලක්වා ගැනිම සඳහා මෙම තීරණය ගන්නා බව සංගමයේ සභාපති උපුල් රෝහණ සදහන් කරයි.
පිරිමින් අතර බහුලම පිළිකාව ලෙස මුඛ පිළිකාව හඳුනාගෙන ඇති අතර බස්රථ රියදුරන් සහ කොන්දොස්තරවරුන් අතර මෙය බහුලව වාර්තා වන බවද පැවසේ.
දුම්කොළ සමඟ බුලත්විට අලෙවි කරන වෙළෙදුන්ට විරුද්ධව නීත්යානුකූලව කටයුතු කිරිම මේ වසර ආරම්භයේ සිටම ක්රියාත්මක කරන බව හෙතෙම පැවසීය.
වසර 2006 අංක 26 දරණ දුම්කොල සහ මද්යසාර පිලිබද ජාතික අධිකාරි පනත මගින් දුම්වැටි සහ දුම්කොළ නිෂ්පාදිතයන් තහනම් කර ඇති බව හෙතෙම පැවසීය.
මේ අනුව ලබන වසරේ දුම්කොල සහිත බුලත්විට මුළුමනින්ම රටින් ඉවත් කිරීමට කටයුතු කරන බව උපුල් රෝහණ පැවසුවේය.
