ශ්රියානි විජේසිංහ –
ජනාධිපතිවරයා ඇතුලු කැබිනට් මණ්ඩලයෙන් අනුමත කරන ලද රුපියල් 35000ක DAT දීමනාව ජනවාරි මස වැටුපට එකතු විම නතර කිරිමේ උත්සහය විරෝධය පල කරමින් හෙට (24) උදෑසන 8.00 ට දීප ව්යාප්ත වැඩ වර්ජනයක් ආරම්භ කිරිමට රජයේ වෛද්ය නිලධාරීන්ගේ සංගමය තීරණය කර ඇත.
අනතුරුව රුස්වන සංගමයේ මධ්යම කාරක සභාව වෘත්තීය ක්රියාමාර්ගයේ ඉදිරි සැලසුම් සාකච්ඡා කරන බවත් එය අඛණ්ඩ වැඩ වර්ජනයක් දක්වා දීර්ඝ විය හැකි බවද සංගමය අනතුරු අඟවා සිටියි.
වෛද්යවරුන්ට යුක්තිය සහ සාධාරණය ඉටු කිරීම වෙනුවෙන් රජයේ වෛද්ය නිලධාරීන්ගේ සංගමය සිදුකරන ලද දීර්ඝ කාලීන සටනක ප්රතිපලයක් ලෙස වෛද්යවරුන්ට රුපියල් 35000ක දීමනාවක් වැඩිකළ බව සංගමයේ මාධ්ය ප්රකාශක වෛද්ය චමිල් විජේසිංහ මහතා පැවසුවේය.
වෛද්යවරුන් රට තුළ රඳවා ගැනීමේ අවශ්යතාව සහ ප්රමුඛතාවය හදුනාගනිමින් ජනාධිපතිවයා මුදල් අමාත්යවරයා ලෙස ඉදිරිපත් කරන ලද කැබිනට් පත්රිකාවක් මත පදනම්ව මෙම දීමනාව ලබා දෙන ලදි.
කැබිනට් මණ්ඩලයේදි අනුමත වුනු කැබිනට් පත්රිකාවට සහ ඊට අනුකූලව සෞඛය අමාත්යංශයේ ප්රධාන ගණන් දීමේ නිලධාරියා ලෙස සෞඛ්ය අමාත්යංශයේ ලේකම්වරයා විසින් නිකුත් කරන ලද චක්ර ලේඛයට අනුව ඉහළ නංවන ලද DAT දීමනාව වෛද්යවරුන්ගේ ජනවාරි මස වැටුපට එකතුවිය යුතුව තිබුණ බවද හෙතෙම පැවසුවේය.
එසේ වුවද මුදල් අමාත්යංශ යේ ඇතැම් නිලධාරීන්ගේ මැදිහත් වීමෙන් ජනවාරි මස වැටුපට මෙම දීමනාව එකතුවීම වළක්වා ඇති බවත් මේ වන විටත් එය තහවු වී ඇති බවත් වෛද්ය චමිල් පෙන්වාදේ.
මෙම දීමනාව වෛද්යවරුන්ට ගෙවීමට අවශ්ය මුදල් භාණ්ඩාගාරය සහ සෞඛ්ය අමාත්යංශය සතුව තිබියදීත් මුදල් අමාත්යංශයේ ඇතැම් නිලධාරීන්ගේ වාචික නියෝග මත එකවර මෙම ගෙවීම නැවැත්වීමේ ප්රයත්නය පිටුපස ඇති න්යාය පත්රය රට හමුවේ හෙළිදරව් විය යුුතු බවද සංගමය පෙන්වාදේ.
රටේ රාජ්ය නායකයාට ඉහළින් ක්රියාත්මකවන දේශපාලන සහ පරිපාලන අදිසි හස්තයන් හී ක්රියාකාරිත්වය මේ රට හමුවේ හෙලිදරව් විය යුතු බවද හෙතෙම පෙන්වාදේ.
දැනට අර්බුද ගණනාවකට මුහුණ දී ඇති සෞඛ්ය පද්ධතිය තවත් අඩපණ කිරීමේ හා රට තුළ අනවශ්ය අර්බුදයක් ඇති කිරීමේ ක්රමන්ත්රණයක් ක්රියාත්මක වන්නේද යන කාරණාව සම්බන්ධයෙන් බරපතල සැකයක් නිර්මාණය වෙමින් පවතින බවද සංගමය සඳහන් කරයි.
