දිනසේන රතුගමගේ –
ඉන්දීය වෙරළාරක්ෂක නිලධාරීන් නාවික හමුදාව හා ගුවන් හමුදාව එක්ව බෝට්ටුවක් තුළදී රෝගාතුර වූ ශ්රි ලාංකික සිංහල ධීවරයෙකු බේරා ගෙන 6 දා චෙන්නායී රෝහලට ඇතුළත් කොට තිබේ.
ශ්රි ලංකාවේ දකුණු ප්රදේශයේ ධීවර කාර්මිකයින් පිරිසකට අයත් ”කල්පනී” නැමති ධීවර බෝට්ටුව කාර්මික දෝෂයකට ලක් වීමෙන් පසුව එය මහ මුහුද මැද පාවෙන්නට පටන් ගෙන තිබේ.
ධීවර බෝට්ටුව ක්රියා විරහිත වී ඇත්තේ චෙන්නායී සිට මුහුදු සැතපුම් 60 ක් පමණ දුරින් වන අතර ඉන්දීය වෙරලාරක්ෂක නිලධාරීන් ඒ බව දැන ගැනීමට ලැබීමෙන් පසුව එම නිලධාරීන් සිද්ධිය සම්බන්ධයෙන් ඉන්දියාවේ පිහිටි ශ්රී ලාංකික මහ කොමසාරිස් කාර්යාලය වෙතද දැණුම් දී තිබේ.
මේ අවස්ථාවේදී ධීවර යාත්රාවේ සිටි 44 හැවිරිදි සුමිත් ලාලිත නැමති ධීවරයා හුස්ම ගැනීමේ අපහසුතාවයකට ලක්ව ඇත.
මේ පිළිබදව ඉන්දීය වෙරලාරක්ෂක නිලධාරීන්ට දැණුම් දීමෙන් පසුව ඉන්දීය නාවික හමුදාව හා ගුවන් හමුදාව එක්ව විශේෂ හෙලිකොප්ටර් යානයකින් ක ධීවරයාව බේරා ගෙන ඔහුව රෝහල් ගත කොට තිබේ.
ඉන්දියාවේ චෙන්නායි නුවර පිහිටි ඉන්දීය මහ කොමසාරිස් කාර්යාලය මෙම ධීවරයා සම්බන්ධයෙන් තොරතුරු සොයා බලා ඔහුට අවශ්ය පහසුකම් සලසා දී ඇත.
