ජයකාන්ත ලියනගේ – බළපිටිය –
සිංහල හා හින්දු අළුත් අවුරුදු සමයේ දකුණු පළාත තුළ එක් පොලිසියකින් දිනකට නඩු 10 ක් අනිවාර්යෙන්ම ගොනුකළ යුතු බවට පළාතේ උසස් නිලධාරින් පොලිස් ස්ථානාධිපතිවරුන්ට දැනුම් දී තිබෙන බව දැන ගන්නට තිබේ.
දකුණු පළාතේ පොලිස් ස්ථාන 69 ක් සඳහා විශේෂ නියෝග යටතේ මෙම දැනුම් දීම කර තිබෙන බවද ආරංචි මාර්ග සඳහන් කරයි. මෙවන් බල කිරීම් හේතුවෙන් රාජකාරි ජීවිතය තුළ තමන් දැඩි අපහසුතාවයට පත්ව තිබෙන බව පොලිස් ස්ථානාධිපතිවරුන් ප්රකාශ කරති.
මුලස්ථාන පොලිසියකින් දිනකට නඩු 10 ක් ද සාමාන්ය පොලිසියකින් දිනකට නඩු 06 ක් ද බැගින් නඩු ගොනුකල යුතු බව මෙම විශේෂ නියෝග යටතේ දැනුම් දී තිබේ. මේ අනුව මසකට මුලස්ථාන පොලිසියකින් නඩු 300 ක් ද සාමාන්ය පොලිසියකින් 180 ක් ද අධිකරණ වෙත යොමු කළ යුතු බව ඉහත පොලිස් නියෝගයේ සඳහන්ව තිබෙන්නේ යැයි පොලිස් ස්ථානාධිපතිවරුන් ප්රකාශ කරයි.
දකුණු පළාත තුළ ගාල්ල දිස්ත්රිත්කයේ ගාල්ල සහ ඇල්පිටිය, මාතර දිස්ත්රික්කයේ මාතර, හම්බන්තොට දිස්ත්රික්කයේ තංගල්ල යන පොලිස් කොට්ඨාස හතරෙහි මුලස්ථාන පොලිස් ස්ථාන 06 ක් ඇතුළුව පොලිස් ස්ථාන 69 ක් පිහිටා තිබේ. මෙම සියළුම පොලිස් ස්ථානවලට ඉහත සඳහන් පාලන නියෝගය හේතුවෙන් පොලිස් නිලධාරින් දැඩි පීඩාවකට පත්ව තිබෙන බවද ඔවුහු ප්රකාශ කරති.
මෙම නඩු, රථ වාහන වැරදි, බීමත්ව රිය පැදවීම, අසෝබන ලෙස හැසිරීම, සමාජ විරෝධි ක්රියා, නීති විරෝධී මත් පැන් මත් ද්රව්ය ලඟ තබා ගැනීම හා ජාවාරම් කිරීම ආදිය සම්බන්ධයෙන් ලබාගත යුතු බවද පාලන නියෝගය මගින් වැඩි දුරටත් දැනුම් දී තිබෙන බවද පොලිස් ස්ථානවලට සම්බන්ධ ආරංචි මාර්ග සඳහන් කරයි.
එවන් විශේෂ වැටලීම් මේ වන විටත් යුක්තිය මෙහෙයුම යටතේ ක්රියාත්මක වන නිසා මෙම පොලිස් ස්ථාන 69 ක නිලධාරීන් පීඩාවට පත්ව තිබෙන බවද වාර්තා වේ. දකුණු පළාතේ පොලිස් ස්ථානාධිපතිවරුන්ගේ රැස්වීම්වලදී ඉහළ පොලිස් නිලධාරින්ට ඇතැම් පොලිස් ස්ථානාධිපතිවරුන් ප්රකාශ කර ඇත්තේ අවශ්ය ප්රමාණයකට නිලධාරින් නොමැති විම නිසා තම පොලිස් ස්ථානෙවල සාමාන්ය වැෙකටයුතු පවා පවත්වාගෙන යෑමට දැඩි අසීරුතාවයක් තිබෙන බවය.
මේ සම්බන්ධයෙන් දකුණු පළාතේ ජ්යෙෂ්ඨ නියොජ්ය පොලිස්පති මහේෂ් සේනාරත්න ගෙන් විමසූ විට මෙසේ පැවසීය.
“සිංහල හා හින්දු අළුත් අවුරුද්ද වෙනුවෙන්ම පමණක් නෙවෙයි, මෙවැනි වැටලීම් සිදු කරන්නේ. අපරාධ අවම කිරීම හා රථ වාහන රියදුරන්ට සැලකිලිමත් රථ ධාවනයක යෙදෙන ලෙස උපදෙස් ලබාදීම අවශ්ය වෙනවා. නිවැරදිව මගතොට ගමන් කිරීම හා අනතුරු අවම කිරීම යන පරමාර්ථ ඇතිවයි, මෙවන් නියෝග නිකුත් කරන්නේ.”
“මෙම වැටලීම් හේතුවෙන් සමාජයේ විෂමාචාර මත්ද්රව්යය ජාවාරම් මෙන්ම අපරාධ අවම කර ගත හැකියි. මෙවන් වැරදිවලට සම්බන්ධ වරෙන්තුකරුවන් අත් අඩංගුවට ගැනීමත් අවශ්යයි. අපරික්ෂාකාරී රිය ධාවනය, බීමත්ව රිය පැදවීම සිදුකරන රියදුරන්ට උපරිම ලෙස නීතිය ක්රියාත්මක කර අනතුරු අවම කිරීම පොලීසියේ රාජකාරියක්. ඒ සම්බන්ධයෙන් උපක්රමශීලීව පොලිස් නිළධාරීන්ගෙන් සේවය ලබාගත යුතුයි. මෙම නියෝගවල පරමාර්ථය වන්නේ එයයි.” මහේෂ් සේනාරත්න නියෝජ්ය පොලිස්පතිවරයා වැඩි දුරටත් වැඩි දුරටත් ප්රකාශ කළේය.
