දිනසේන රතුගමගේ –
ත්රිකුණාමළය හා මුලතිව් අතර මුහුදේදී ඇති වූ භූ චලනය රිච්ටර් මාපකයේ 3.5ක් පමණ වූ සුලු භූ කම්පනයක් වුවත් වැලිඔය මුලතිව් හා වෙහෙරතැන්න ප්රදේශ වල ජනතාවට එම භූමි කම්පාව දැනී තිබේ.
ඔවුන් පැවසුවේ එක්වරම විශාල ශබ්දයක් ඇසුනු බවත් ඒ සමගම තම නිවෙස් දෙදරුම් කෑමකට ලක් වූ බවත්ය.
මේ අවස්ථාවේදී වර්ෂාව ඇද හැලෙමින් තිබූ නිසා බොහෝ දෙනෙකු සිතා ඇත්තේ එම ශබ්දය හා භූමියේ කම්පනය අකුණු පිපිරීම නිසා ඇති වන්නට ඇති බවය.
කෙසේ වෙතත් පදවිය පුල්මුඩේ ශ්රීපුර යන ප්රදේශවල වැසියන්ටද මේ භූ කම්පනයෙන් සිදු වූ ප්රතිචාර දැනී ඇති අතර ඔවුන්ගෙන් බොහෝ දෙනෙකු ප්රකාශ කලේ තම නිවෙස් හෙල්ලුම් කෑමෙන් පසුව භාණ්ඩ සහ දොර ජනෙල් පියන් එකිනෙක ගැටුණු බවය.
මේ අවස්ථාවේ මුහුදු ගොස් සිටි ධීවරයින් ප්රකාශ කලේ තමන් ගොඩට පමිණෙන තුරු කිසිවක් නොදන්නා බවය.
