මියන්මාරයේ පාලනය හමුදාව යටතට පත්කර ගැනීමෙන් පසු රාජ්ය තාන්ත්රික කටයුතුවල හෝ එරට සිටින ශ්රී ලාංකිකයන් සම්බන්ධයෙන් කිසිදු වෙනසක් සිදුව නොමැති බව මියන්මාරයේ ශ්රී ලංකා තානාපති මහාචාර්ය නලින් ද සිල්වා ලංකාසරට පැවසීය.
එම හමුදා අත්පත් කර ගැනීම සිදු වූ සදුදා දිනයේ සන්නිවේදන මාර්ග අක්රිය වීම හේතුවෙන් එම දිනයේ පමණක් ශ්රී ලාංකිකයන් සහ ලෝකයේ බොහෝ දෙනෙකුට දුරකථන හෝ අන්තර්ජාල හරහා සම්බන්ධ කර ගැනීමට නොහැකි වුවද එම තත්ත්වය දැන් සමනය වී ඇති බවත් එරට සිටින සියළුම සියලුම ශ්රී ලාංකිකයන් සාමාන්ය පරිදි කටයුතු කරන බවත් මහාචාර්යවරයා සඳහන් කළේය.
එරට සාමාන්ය ජන ජීවිතයට මෙම හමුදා ක්රියාදාමයෙන් කිසිදු බලපෑමක් ඇති බවක් දැනට ෆේස්බුක් සමාජ ජාලා පමණක් අක්රිය වී ඇති බවත් මහාචාර්යවරයා තවදුරටත් සඳහන් කළේය.
මියන්මාරයේ හමුදා පාලකයින් ප්රජාතන්ත්රවාදී රජය පෙරලා දමා දින කිහිපයකට පසු ෆේස්බුක් වෙත පිවිසීම අවහිර කර ඇත්තේ හමුදා කුමන්ත්රණයට විරෝධය දැක්වීමේ ප්රධාන ස්ථානයක් බවට ෆේස්බුක් පත්ව තිබීම නිසා ය.
පෙබරවාරි 7 වනදා දක්වා ෆේස්බුක් වෙත පිවිසීම අවහිර කරන බව එරට සන්නිවේදන හා තොරතුරු අමාත්යාංශය පවසයි. කෙසේ වෙතත්, ෆේස්බුක් වෙත වරින් වර ප්රවේශ විය හැකි වූ සිද්ධීන් ද වාර්තා විය.
මියන්මාරයේ මිලියන 53 ක ජනතාවගෙන් අඩක් ෆේස්බුක් භාවිතා කරයි. කුමන්ත්රණයට එරෙහි විරෝධතා සම්බන්ධීකරණය කිරීම සඳහා වෙනම පිටුවක් ද සකසා ඇත.
ෆේස්බුක් සිය යෙදුම මියන්මාරයේ දත්ත පිරිවැයකින් තොරව මිල අධික ටෙලිකොම් දත්ත ගාස්තු මග හැරීමේ ක්රමයක් ලෙස භාවිතා කිරීමට ඉඩ දී තිබේ. හමුදා කුමන්ත්රණයෙන් පසු එරට ජනතාවට අන්තර්ජාලයට පිවිසීමට තිබූ එකම මාර්ග්ගගය වූයේ ෆේස්බුක් ය.
ෆේස්බුක් සමාගම මෙම බාධාව පිළිගෙන “මියන්මාරයේ ජනතාවට ඔවුන්ගේ පවුල් හා මිතුරන් සමඟ සන්නිවේදනය කිරීමට සහ වැදගත් තොරතුරු ලබා ගැනීමට හැකි වන පරිදි සම්බන්ධතාවය යථා තත්වයට පත් කරන ලෙස අපි බලධාරීන්ගෙන් ඉල්ලා සිටිමු.” යැයි පවසා තිබේ.
මියන්මාරයේ දෙවන ප්රධාන නගරය වන මැන්ඩලේ හි වාර්තා පවසන්නේ කුඩා උද්ඝෝෂණ සහ සමහර අත්අඩංගුවට ගැනීම් සිදු වූ බවයි.
