කීර්ති ප්රනාන්දු –
අපොස සාමාන්ය පෙළ විභාගයට දෙමළ මාධ්යයෙන් පෙනි සිටි මිනුවන්ගොඩ එකම දමිල මාධ්ය පාසලවන ගල්ලොලුව අල් අමාන් විද්යාලයේ සිසු දරුවන් 14 දෙනෙකුට අද (15) පැවති භූ ගෝල විද්යාව විෂයේ 1 කොටසට අදාල ප්රශ්න පත්රය ලබා නොදුන් එම විභාග මධ්යස්ථානයේ විභාග ශාලාධිපතිවරයා සම්බන්ධව විශේෂ විමර්ශනයක් විභාග දෙපාර්තමේන්තුව හරහා ආරම්භ කර ඇතැයි මිනුවන්ගොඩ කලාප අධ්යාපන අධ්යක්ෂ වජිර රණරාජා පවසයි.
භූගෝල විද්යාව විෂයට අදාලව සිසුන් පැය තුනක කාලයක් තුළ ප්රශ්න පත්ර දෙකකකට පිළිතුරු සැපයිය යුතු බවත්, සිතියම් සහිත පළමු කොටස හා දෙවැනි කොටස අපේක්ෂයකයන්ට එක් වර ලබා දෙන බවත් පවසන කලාප අධ්යාපන අධ්යක්ෂවරයා විභාග ශාලාධිපතිවරයා විසින් ප්රශ්නපත්රයේ මුල් කොටස අපේක්ෂකයන් වෙත ලබා දී නැති බව ලංකාසරට පැවසුවේය.
විශේෂත්වය වන්නේ මේ අතපසුවීම සිදුවන්නේ ශාලාධිපතිවරයාට අමතරව විභාග දෙපාර්තමේන්තුව විසින් සහකාර ශාලාධිපතිවරයෙක් ද පත් කර ඇති වටපිටාවකය.
ශාලාධිපතිවරයා සිංහල පුද්ගලයෙක් වුව ද මෙම ශාලාව තුළ විභාග රාජකාරියේ නිරතව අල් අමාන් පාසලේම ඉගැන්වූ ගුරුවරියක සිටිය බවත් ඇය දෙමළ භාෂා පරිචයක් ඇති තැනැත්තියක් බවත්, ඒ හැර මෙම වභාගයට සහභාගී වූ සියලුම දෙමළ මාධ්ය සිසුන් සිංහල භාෂාව කතා කළ හැකි පිරිසක් බවත් පෙන්වා දෙන මිනුවන්ගොඩ අධ්යාපන කලාපයේ බලධාරීන් මේ ගැටලුව භාෂා ප්රශ්නයක් මත ඇතිවූවක් නොව පුද්ගල නොසැලක්ලිල මත සිදුවූවක් බව පෙන්වා දෙයි.
පැය තුනක් කාලයක් යන තුරු සිසුන් පවා මේ සම්බන්ධව කිසිම පැමිණිල්ලක් කර නොමැති අතර මේ අතපසුවීම පිළිබඳ ප්රශ්න කර ඇත්තේ ගුරුවරයක විසිනි. සොයා බැලීමෙදී නොබෙදූ ප්රශ්නපත්ර කවර තුළම තිබී හමු වී ඇත.
මේ සම්බන්ධව විභාග දෙපාර්තමේන්තුව අද (15) විශේෂ පරීක්ෂණයක් අරඹා තිබේ. කිසිම සිදුවෙකුට අසාධාරණයක් නොවන ආකාරයට ලකුණු ලබා දීමේ ක්රමවේදයක් සකසන බව විභාග දෙපාර්තමේන්තුව පවසයි.
