මේ වනවිට මැතිවරණ රාජකාරි වශයෙන් ආරක්ෂක අංශ නිලධාරීන් 93000ක් අනුයුක්ත කර ඇති බව පොලිස් මාධ්ය ප්රකාශක ජ්යෙෂ්ඨ නියෝජ්ය පොලිස්පති නීතිඥ නිහාල් තල්දූව කියයි.
ඒ අතර පොලිස් නිලධාරීන් 64000ක් සහ පොලිස් විශේෂ කාර්ය බලකායේ නිලධාරීන් 3200ක් සිටින බව ඔහු සඳහන් කරයි. මැතිවරණ රාජකාරි සදහා යොමු කළ සිවිල් ආරක්ෂක භටයින් ප්රමාණය 12227කි.
පොලිස් නිලධාරීන් මැතිවරණ රාජකාරි සඳහා අනුයුක්ත කිරීමත් සමග හිස්වන ආරක්ෂක මර්මස්ථාන ආරක්ෂාවට හමුදාවේ 11000ක් අනුයුක්ත කර ඇත. සේවා අවශ්යතා මත යුද හමුදා නිලධාරීහු පොලිස් ස්ථානවල පොරොත්තු සේවයේ රැඳී සිටිති.
තවද වාහන 4525ක් යොදවා ජංගම සංචාර 3109ක් ක්රියාත්මක කර තිබේ, මාර්ග බාධක 269ක්, ක්රියාත්මකය. කැරළි මර්ධන කණ්ඩායම් දිවයින පුරා ස්ථාන 241ක් ස්ථාන ගත කර ඇත. සියලුම ආරක්ෂක වැඩපිළිවෙළ ඉතාම විධිමත්ව දියත් කර ඇති බව ද රජය ප්රකාශ කරයි.
