මාතර මිදිගම ප්රදේශයේ දී පුද්ගලයෙක් වෙඩි තබා ඝාතනය කර තිබේ.
මෝටර් රථයකින් පැමිණි නාඳුනන තුවක්කුකරුවන් පිරිසක් විසින් මෙසේ වෙඩි තබා ඝාතනය කර ඇත්තේ අවන්හල් හිමිකරුවෙක් වූ 32 හැවිරිදි පුද්ගලයෙකි.
මීට පෙර 2021 වසරේ දී මෙම පුද්ගලයාට හරක්කටා ගේ මෙහෙයවීමෙන් නාඳුනන තුවක්කු කරුවෙක් විසින් වෙඩි තබා තිබුණත් ඒ අවස්ථාවේ දී ඔහු ජීවිතය බේරාගෙන තිබිණි.
ඊයේ රාත්රියේ ඔහුගේ අවන්හල ඉදිරිපිට සිටිය දී සිදුකළ වෙඩි තැබීමෙන් අනතුරුව බරපතල තුවාල ලද මෙම පුද්ගලයා මාතර රෝහලට ඇතුළත් කිරීමෙන් පසු අද උදෑසන මිය ගොස් තිබිණි.
ඝාතකයින් සොයා පොලිසිය පරීක්ෂණ පවත්වයි.
