මේ වනවිට වංචාව දූෂණය සහ හොරකමට එරෙහිව ජව සම්පන්නව ක්රියාත්මක වෙමින් ඇති රාජ්ය ආයතන මෙතෙක් හොරකම්කර රැකී සිටි පාර්ශවයන්ට පමණක් නොව, මේ වනවිට බලයේ සිටිනා ජාතික ජන බලවේග ආණ්ඩුවටත් තියුණු පණිවිඩයක් ලබා දී ඇතැයි කෘෂිකර්ම ඇමති ලාල් කාන්ත පැවසුවේය.
ඔහු පෙන්වා පවසන්නේ ඇති මහජන මුදල්, රාජ්ය ධනය ශතකයින් හෝ නාස්ති කිරීමට ඉඩක් මින් පසු නොමැති බවට තහවුරුවක් එම පණිවිඩයෙන් ලැබී ඇති බවය.
අද (30) ගම්පහ පැවති හමුවක් අවසානයේ දී මාධ්ය අමතමින් ඇමතිවරයා මෙසේ ද පැවසුවේය.
“සාමාන්යයෙන් මෙච්ර කාලයක් අපේ රටේ ගත්තම කැබිනට් ඇමතිවරු, මහ ඇමතිවරු, පාර්ලිමේන්තු මන්ත්රීවරු, ඒ කියන්නේ ඉහළ හොරු නීතියෙන් දඬුවම් ලබලා වැරදිකාරයො වෙලා හිරගත වුනේ නෑ මූලික වශයෙන් ගත්තම. දැන් එහෙම නෑ… ඒ කියන්නේ රාජ්ය ආයතන ක්රියාත්මකයි. ඒවට නිදහසේ ක්රියාත්මක වෙන්න ඉඩ දීලා තියනවා. අපි ඒවට බාධා කරන්නේ නෑ. ”
“වගකිවයුතු රාජ්ය නිලධාරීන්ට අදහසක් ඇවිත් තියනවා අපි මේවා ක්රියාත්මක කරන්න යනකොට අපට දේශපාලන තර්ජන ගර්ජන බලපෑම් එන්නේ නෑ කියලා. නීතිපති කාර්යාලයට ඉතිහාසයේ තර්ජන ඇවිත් තියනවා. අල්ලස් හෝ දූෂණ කොමිෂන් එකේ බලධාරීන්ට ඉතිහාසයේ වැඩ කරන්න දීලා නෑ, පොලිසියටත් දීලා නෑ දේශපාලන බලපෑම් නිසා. ”
“හැබැයි මේ වනවිට හොරකමට දූෂණයට වංචාවට එරෙහිව ක්රියාකරන ආයතනවල බලධාරීන්ට විශාල විශ්වාසයක් හැදිලා තියනවා තමන්ට කිසිම දේශපාලන තර්ජනයක් එන්නෙ නෑ කියලා. ඒ නිසා දැන් මොකද වෙලා තියෙන්නේ… හොරුන්ට එරෙහිව දඬුවම් ලැබෙනවා. එතකොට කලින් හාල්මැස්සන්ට ක්රියාත්මක නීතිය දැන් තෝරුන්ට මෝරුන්ට යහමින් ක්රියාත්මක වෙනවා. ඒක තමයි මේ රටේ හොඳින්ම තහවුරුවන කාරණය.”
“ඒ වගේම ඒකේ තව පැත්තක් තියනවා. දැන් බලයේ ඉන්නවා අපි. අපි හැමෝටමත් ලැබෙන පණිවිඩය තමයි රාජ්ය ධනය, රාජ්ය දේපල මහජන මුදල් ශතයක්වත් නාස්ති කරන්න වංචා කරන්න හොරකම් කරන්න කාටවත් ඉඩක් නෑ කියන පණිවිඩය ලැබිලා තියනවා. ඒක රටටම හොඳයි.” ලාල් කාන්ත ඇමතිවරයා පැවසුවේය.
