රාජ්ය මුදල් පිළිබඳව පාර්ලිමේන්තු කාරක සභාවේ සභාපති ධුරය බාර ගන්නා ලෙස තමන් දුරකථනයෙන් කතා කර මයන්ත දිසානායකගෙන් ඉල්ලීමක් නොකළ බවත් තමන්ට දුරකථන ඇමතුමක් ලබා දුන්නේ මයන්ත දිසානායක බවත් කථානායක මහින්ද යාපා අබේවර්ධන අද (24) පාර්ලිමෙන්තුවේදී සඳහන් කළේය.
එසේම නව වැනි පාර්ලිමෙන්තුවේ හතරවැනි සැසියේ රාජ්ය මුදල් පිළිබඳ කාරක සභා සභාපතිකමට ආචාර්ය හර්ෂ ද සිලවා පත් කිරීම පිළිබඳව සලකා බැලිය හැකි බව කීවත් ඔහු පත් කිරීම සම්බන්ධයෙන් අවසන් තීරණයකට තමන් එකඟ නොවූ බවද කථානායකවරයා සඳහන් කළේය.
කථානායකවරයා මේ බව ප්රකාශ කළේ රාජ්ය මුදල් කාරක සභාවේ සභාපති ධුරයට විපක්ෂයෙන් යෝජනා කළ ආචාර්ය හර්ෂ ද සිල්වා වෙනුවට ආණ්ඩු පක්ෂයේ යෝජනාවෙන් විපක්ෂ මන්ත්රිවරයක්වන මයන්ත දිසානායක ම පත් කිරීම සම්බන්ධයෙන් අද පෙරවරුවේ පාර්ලිමේන්තුවේදි ඇති වු සංවාදයේදීය.
එහිදී පාර්ලිමෙන්තු මන්තක්රි රාවුෆ් හෙකීම් පවසා සිටියේ තමන් ට ඊයේ මයන්ත දසානායක හමුවූ බවත් එහිදී ආචාර්ය හර්ෂ ට ලබා දීමට තිබූ තනතුරට භාර ගත්තේ ඇයිදැයි විමසූ අවස්ථාවේ තමන්ට කථානායකවරයා දුරකථන ඇමතුමක් ලබා දී මෙම තනතුර භාර ගන්නා ලෙස ඉල්ලීමක් කළ බව ප්රකාශ කළේ යයි සඳහන් කළේය.
එයට පිළිතුරු දෙමින් කථනායකවරයා පැවසුවේ තමන් මයන්ත දිසානායකට ඇමතුමක් ලබා නොදුන් අතර මන්ත්රිවරයා විසින් ඔහුට දුරකථන ඇමතුමක් දෙන ලද බවයි.
මෙහිදී විපක්ෂයේ ප්රධාන සංවිධායක පාර්ලිමේන්තු මන්ත්රි ලක්ෂ්මන් කිරිඇල්ල කීවේ පසුගිය අගෝස්තු 21 තේරීම් කාරක සභාවේදී කථානායකවරයා ආචාර්ය හර්ෂ ද සිල්වා කමිටුවේ සභාපතිවරයා ලෙස පිළිගැනෙීමට සලකා බලන බව සඳහන් කළ බවය. ඒ අනුව කථානායකවරයා මෙම තනතුර ආචාර්ය හර්ෂ ද සිලවාට ලබා දීම පිලිගෙන ඇති බවත් එපමණක් නොව “අද මේක ඉවර කරමු” යනුවෙන් ප්රකාශ කළ බවද සඳහන් කළේය.
පාර්ලිමෙන්තු ස්ථාවර නියෝගවලට අනුව මෙම කමිටුවේ සභාපති ධූරයට විපක්ෂ මන්ත්රිවරයකු පත් විය යුතු බවත් එයින් අදහස් වන්නේ විපක්ෂය යෝජනා කරන කෙනකුට මෙම තනතුර ලබා දීම බවත් සඳහන් කළ අතර නමුත් ඊයේ දිනයේදී සිදුවූයේ ආණ්ඩු පක්ෂයේ අවශ්යතාවට විපක්ෂ මන්ත්රිවරයකු පත්වීම බව පෙන්වා දුන්නේය.
කථානායකවරයා හැමදාම පාර්ලිමේන්තුවේ පැවති නීති රාමුව කඩ කළ බවද පක්ෂ්මන් කිරිඇල්ල මන්ත්රිවරයා චෝදනා කළේය.
