මේ වසරේ ගෝලීය වර්ධනයෙන් අඩකටත් වැඩි ප්රමාණයක් සඳහා ඉන්දියාව හා චීනය දායකත්වය සපයනු ඇතැයි ද අමතර කාර්තුවක් සඳහා අනෙකුත් ආසියානු රටවල් දායකත්වය ලබා දෙනු ඇතැයි ද ජාත්යන්තර මූල්ය අරමුදල (අයිඑම්එෆ්) අපේක්ෂා කරයි.
‘කොවිඩ් සීරෝ’ ප්රතිපත්තිය නවතා 2022 දෙවන භාගයේදී රට නැවත විවෘත කිරීමත් සමඟ ඉන්දියානු ආර්ථිකය ද ධනාත්මක ලක්ෂණ පෙන්නුම් කරයි. පසුගිය වසර දෙක තුළදී එහි වර්ධනය ලෝකයේ ඉහළම අගයන් අතරට පැමිණ ඇතැයි ‘ද ඉකොනොමික් ටයිම්ස්’ වාර්තා කරයි.
එලෙසම යුක්රේනයේ යුද්ධය හා උද්ධමනයට එරෙහිව සටන් කිරීම සඳහා මහ බැංකු පොලී අනුපාත ඉහළ යාම රටවල්වල ආර්ථික ක්රියාකාරකම්වලට සෘජුව බලපෑම් එල්ල කරනු ලබන සාධකයක් විය. කෙසේ වෙතත්, චීනය වසංගත ආශ්රිත අගුලු දැමීමේ සීමාවන් ලිහිල් කරමින් රට නැවත විවෘත කිරීම ගෝලීය වර්ධනය ඉහළ නැංවීමට උපකාරී වෙනු ඇතැයි අයිඑම්එෆ් බලාපොරොත්තු වේ.
වසංගතයන් හේතුවෙන් ආසියාවේ නැඟී එන හා සංවර්ධනය වෙමින් පවතින ආර්ථිකයන් පසුබෑමට ලක් වුවත් යළිත් කාම්බෝජය, ඉන්දුනීසියාව, මැලේසියාව, පිලිපීනය, තායිලන්තය හා වියට්නාමය වැනි ආසියානු රටවල් පූර්ව වසංගත වර්ධන මට්ටමට ආසන්න වෙමින් සිටින බව සඳහන් වේ.
“2022 හි සියයට 3.8 වන වර්ධනය මේ වසරේ සියයට 4.7 දක්වා වේගවත් වනු ඇත..” අයිඑම්එෆ් සඳහන් කරයි.
