දිනසේන රතුගමගේ –
මන්නාරම පෙරියමඩු කමාන්ඩෝ පුහුණු පාසලේ සෙබලුන් පිරිසකට මොළයේ උණ වැළදීම නිසා හමුදා ප්රදානීන්ට දන්වා සෞඛ්ය හේතු මත එම කඳවුරේ හමුදා සෙබලුන් හුදෙකලා කොට විවේක ගැනීමට සලස්වා ඔවුන්ට අවශ්යය ප්රතිකාර ලබා දීම සිදුකරගෙන යන බව මන්නාරම වෛද්ය අධිකාරීවරයා පවසයි.
වෛද්ය උපදෙස් මත යුද හමුදාව එම කඳවුරේ පුහුණු කටයුතු ද තාවකාලිකව නවත්වා තිබේ.
යුද හමුදා කදවුරේදී පුහුණු වීම් සිදු කෙරුණු අතරවාරයේදී හමුදා සෙබලුන් හත් දෙනෙකු අසනීප වී රෝහල් ගත කිරීමෙන් පසුව ඔවුන්ට ජැපනිස් එන්සෙපලයිටීස් හෙවත් මොළයේ උණ රෝගය වැළදීඇති බව තහවුරු වී ඇත.
මොළයේ උණ රෝගය වැළදීම නිසා ශරීරයේ අභ්යන්තර අවයව වලට හානි විය හැකි බැවින් හමුදා සෙබලුන්ගේ කායික සෞඛ්ය වඩා වැදගත් නිසා ඔවුන්ව විවේක ගන්වන ලෙස වෛද්ය අධිකාරීවරයා යුද හමුදාවේ ජෙයෂ්ඨ නිලධාරීන්ට දැණුම් දී තිබේ.
රෝගය උත්සන්න වූ හමුදා සෙබලුන් මන්නාරම රෝහලට ඇතුළත් කිරීමටද පියවර ගෙන තිබේ.
