නීති විරෝධී ලෙස එකලස් කළ බී.එම්.ඩබ්ලිව් වර්ගයේ කාර් රථයක් හා චැසි අංක නොමැති මිට්ෂුබිසි වර්ගයේ ජීප් රථයක් සන්තකයේ තබා ගැනීම සම්බන්ධව පොලිස් විමර්ශන මගහරිමින් සිට නිතිඥයෙක් මාර්ගයෙන් අද (18) පොලිසියට භාර වුන හිටපු වරාය ඇමතිවරයෙක් වූ රෝහිත අබේගුණවර්ධනගේ බෑණා කෙනෙක් ලෙස හඳුනාගෙන ඇති ඉසුරු සේරම්
ය මහනුවර අතිරේක මහේස්ත්රාත් අධිකරණය අද රුපියල් 50000 ක මුදල් හා රුපියල් ලක්ෂ 5 බැගින් වූ ශරීර ඇප දෙකක් මත මුදා හැරියේය.
සැකකරු සන්තකයේ තිබී සොයා ගත් බී.එම්.ඩබ්ලිව් වර්ගයේ කාර් රථය හා මිට්ෂුබිෂි ජීප් රථය සම්බන්ධ රස පරීක්ෂක වාර්තා ලබා ගැනීමෙන් පසු බී.එම්.ඩබ්ලිව් වර්ගයේ කාර් රථය කොටස් එකලස් කර සකස් කළ එකක් බව තහවුරු වි තිබිණි.
ජිප් රථයේ චැසි අංකය සූරා තිබෙන බවත් මෙය රජයට අයත් එක්ක ද යන්න සම්බන්ධයෙන් සැක මතුව තිබෙන බවත් පවසන පොලිසිය මෙම වාහන දෙකේ වටිනාකම රුපියල් කෝටි හයකට වැඩි බව ද කියයි.
පසුගිය 20 වැනි දින මෙම වාහන දෙක පොලීසිය විසින් සොයාගනු ලැබුවේ 1997 අංකයට ලැබුණු මහජන පැමිණිල්ලකට අනුවය.
