මනම්පිටිය නිමල් ජයරත්න –
සිංහල දමිළ මුස්ලිම් පාසල් දරුවන්ගේ සහ ප්රදේශවාසීන්ගේ සහභාගිත්වයෙන්, මඩකලපුව දිස්ත්රික්කයේ එකම ප්රධාන නිදහස් සැමරුම් උළෙල ඕටමාවඩි ඩ්රයිවස් පාර්ක් උද්යානයේ රණවිරු ස්මාරකය අසළ බෞද්ධ, ඉස්ලාම්, හින්දු, ආගමික වතාවත්වලට මුල්තැන දෙමින් නැගෙනහිර 23 වන සේනාංකාධිපති මේජර් ජෙනරාල් නිලන්ත ප්රේමරත්නගේ ප්රධානත්වයෙන් පැවැත්විනි.
මඩකලපුව නිදහස් සැමරු උත්සවය සංවිධාන කටයුතු සඳහා ඒවිෂන් රාජ්ය නොවන සංවිධානය මෙන්ම ප්රදේශයේ රාජ්ය නොවන සංවිධාන කිහිපයක් ද එක් විය.
සිංහල, දමිළ, මුස්ලිම්, දරුවන්ගේ සහභාගිත්වයෙන් සියලු ජාතීන් එකට එක්ව සිංහල භාෂාවෙන්ම ජාතික ගීය ගායනා කිරීම ද මෙම නිදහස් උළෙලේ විශේෂත්වයක් විය.
මීට අමතරව සිංහල දමිළ මුස්ලිම් දරුවන්ගේ සහ ප්රදේශවාසීන්ගේ සහභාගිත්වයෙන් ඕටමාවඩි නගරයේ සිට සැමරුම් පාගමනක් ඕටමාවඩි ඩ්රයිවස් පාර්ක් උද්යානයේදී, රණවිරු ස්මාරකය දක්වාම සංවිධානය කර තිබිණි.
පොළොන්නරුව ඕනෑගම සිංහරාජපුර කනිෂ්ට විද්යාලය, විජයරාජපුර මහා විද්යාලය, මනම්පිටිය දෙමළ මහා විද්යාලය, දිඹුලාගල කාශ්යප මහා විද්යාලය, සොරුවිල කනිෂ්ඨ විද්යාලය, අල් හික්මා මහා විද්යාලය, යන විද්යාලවල සිසු දරු දැරියන් මෙම සැමරුම් උළෙලට සහභාගී වී සිටියහ.
මෙහිදී ඕටමාවඩි කලපුවේ ඔරු තරඟයක් සංවිධානය කර තිබීමද විශේෂත්වයක් විය.
බෞද්ධ, හින්දු, ඉස්ලාම්, ආගමික වතාවත් සිදුකළ මෙම සැමරුම් උත්සවය සඳහා දෙදහකට ආසන්න සිංහල දමිළ මුස්ලිම් පිරිසක් සහභාගී වී සිටියහ.
