පොලිස් කොස්තාපල්වරයෙක් තම මව ඉදිරිපිටදීම තමන් ලිංගික අතරයකට ලක් කළ බව කියමින් 26 හැවිරිදි ආබාධිත තරුණ කාන්තාවක් කොස්ගොඩ පොලිසියට සිදුකළ පැමිණිල්ලක් අනුව එම පොලිස් කොස්තාපල්වරයා සම්බන්ධව විමර්ශනයක් ආරම්භ කර ඇතැයි කොස්ගොඩ පොලිසිය කියයි.
පොලිිසය පවසන්නේ මෙම විශේෂ අවශ්යතා සහිත තරුණ කාන්තාව ඇයගේ මව සමග කොස්තාපල්වරයාගේ නිවසේ රැඳී සිටිමින් කොස්තාපල්වරයාගේ රෝගී මව බලා ගැනීමේ නිරතව සිටි බවය.
පැමිණිල්ලට අනුව කොස්තාපල්වරයා එම ආබාධිත තරුණිය සහ ඇයගේ මව කාමරයකට රැගෙන ගොස් තමන්ගේ මුදල් පසුම්බියෙන් රුපියල් දස දහසක් අඩු වී ඇති බවට චෝදනා එල්ල කර තිබේ.
මෙම තරුණ කාන්තාව පැමිණිලි කරමින් පවසා ඇත්තේ පොලිස් කොස්තාපල්වරයා ඇයගේ මව ඉදිරියේ ඇයව නිරුවත් කළ මුදල් සොයන මුවාවෙන් ඇයගේ රහස් ප්රදේශ අතගෑ බවය.
අදාල කාන්තාව පැමිණිල්ල ඉදිරිපත් කිරීමට පෙර දින පොලිස් කොස්තාපල්වරයා කොස්ගොඩ පොලිසියට පැමිණිල්ලක් කරමින් සඳහන් කර ඇත්තේ තම මුදල් පසුම්බියෙන් රුපියල් දස දහසක මුදලක් නැති වී ඇති බවය.
ලිංගික අතවරයට ලක් වූ බව කියන ආබාධිත 26 හැවිරිදි කාන්තාව වෛද්ය පරීක්ෂණයක් සඳහා යොමු කළ බව පොලිසිය කියයි.
