මනම්පිටිය නිමල් ජයරත්න –
බූලි වලට තෙල් නිකුත් කළහොත් ඉන්ධන හල්වල බලපත්ර අහෝසි කරන බවට ලංකා ඛනිජතෙල් නීතිගත සංස්ථාවේ සභාපති ජනක රාජකරුණා ගෙන තිබෙන තීරණය සම්බන්ධයෙන් තමන්ගේ දැඩි විරෝධය පළ කරන බව පොළොන්නරුව මහවැලි බී හා සී කලාපවල මේ දිනවල යල කන්නයේ අස්වනු නෙලන, ට්රැක්ටර් රථ හිමිකරුවන්, කොළ මඩින ගොයම් කපන යන්ත්ර ඇතුළු යන්ත්ර සූත්රවලින් අස්වනු නෙලන හිමිකරුවන් සහ ගොවීහු පවසති.
මහවැලි බි හා සී කලාපවල මෙවර යල කන්නයේ වී අස්වනු නෙලන අවස්ථාවේදී ට්රැක්ටර් රථයේ ඉන්ධන පිරවුම්හල් අසලට රැගෙන යාමෙන් දිගු පෝලිම් ඇතිවන බවත්, බූලි වලට ඉන්ධන ලබාගැනීමේදී කිව්.ආර්. ක්රමයක් හෝ වෙනත් ක්රමයක් කඩිනමින් හඳුන්වා දෙන ලෙසත්, එසේ නොමැති වුවහොත් තමන් දැඩි අර්බුදයකට මූණ දෙන බවත් ගොවීහු කියති. ප්රකාශිත තීරණ තෙල් සංස්ථාව පාර්ශවයෙන් ක්රියාත්මක කළහොත් ගොවීන්ගේ වී කලට වෙලාවට නෙළා ගැනීමට නොහැකි මට්ටමකට පත්වනු ඇති බවද ඔවුහු පෙන්වා දෙති.
වී අස්සනු නෙළීමේදී අදාළ යන්ත්රයේ ටැංකිවලට පමණක් ඉන්ධන පුරවා ගැනීමෙන් සම්පූර්ණ කුඹුරේ වී අස්වනු නෙළීමට ඉන්ධන ප්රමාණවත් නොමැති බවත්, එම තත්ත්වය මත ඉන්ධන බූලි වලට ලබා ගැනීමට සිදුවන බවත් ඔවුහු පෙන්වා දෙති.
මෙම කරුණු සැලකිල්ලට ගනිමින් ඉන්ධන බූලිවලට ලබාදීමේදී ඉන්ධන හල් හිමියන්ට පනවා ඇති නීති රීති ලිහිල් කරන ලෙසද පොළොන්නරුව ඇතුළු මහවැලි බි කලාපයේ යන්ත්ර සූත්ර හිමිකරුවන් සහ ගොවි සංවිධාන නියෝජිතයින් මෙන්ම ගොවීහු ද ඉල්ලා සිටිති.
රට තුළ හා ඉන්ධන ගබඩාවල ප්රමාණවත් පරිදි ඉන්ධන තිබේනම් ,ගොවීන්ට අවශ්ය වී අස්වනු නෙළීමට ඉන්ධන ලබාදීම සීමා පනවන්නේ මන්දැයි අනෙක් පසින් ඔවුන් නගන ප්රශ්නය ය.
මේ දිනවල පොළොන්නරුව ඇතුළු මහවැලි බි කලාපයේ වී අස්වනු නෙලමින් පවතින අතර අරලගංවිල, මනම්පිටිය, සෙවනපිටිය, වැලිකන්ද, යන ප්රදේශයේ ඉන්ධන හල්වල ඉන්ධන නොමැති වීම නිසා තම වී ඇස් නෙළීමට මහත් බාධා එල්ල වී ඇති බවද ගොවි සංවිධාන නියෝජිතයෝ කියති.
