දිනසේන රතුගමගේ –
අනතුරට පත් වූ මියන්මාර් බෝට්ටුවේ සිටි වැසියන්ට උතුරේ විවිධ සංවිධාන වලින් රුපියල් කෝටි ගණනක ආධාර අද ( 21 ) වන විට ලැබී තිබේ.
අධිකරණ නියෝග මත දැනට යාපනය බන්ධනාගාරයේ රඳවා සිටින පුද්ගලයින් 105 දෙනා වෙනුවෙන් උතුරේ ක්රියාත්මක මෙසිඩා (MECIDA) නැමති සංවිධානය විසින් රුපියල් ලක්ෂ 20 ක භාණ්ඩ ආධාර වශයෙන් පිරිනමා තිබේ.
යාපනයේ මහ නගර සභා මන්ත්රී ලෝහා දයානන්දගේ ප්රධානත්වයෙන් ඖෂධ තොගයක් මෙම වැසියන් සඳහා ලබා දී ඇති අතර ඒවායෙහි වටිනාකම රුපියල් ලක්ෂ පහක් පමන වෙයි.
උතුරු නැගෙනහිර පුනරුත්ථාපන සංවිධානය විසින් තවත් රුපියල් ලක්ෂ අටක පමණ ආධාර මේ වැසියන්ට ලබා දීම සඳහා යාපනයේ බන්ධනාගාර අධිකාරීවරයා වෙත ලබා දී තිබේ.
උතුරේ තවත් දෙමළ දේශපාලන පක්ෂ කීපයක් හා ස්වේච්ඡා සංවිධාන කීපයක් මියන්මාර් වැසියන්ට ආධාර කිරීම සඳහා කටයුතු සූදානම් කොට තිබේ.
