බටලන්ද කොමිෂන් සභා වාර්තාවේ සොයාගැනීම් මත පදනම්ව ජනතා විමුක්ති පෙරමුණ නීතිමය ක්රියාමාර්ග ගන්නා බව එම පෙරමුණේ ප්රධාන ලේකම් ටිල්වින් සිල්වා ප්රකාශ කරයි.
අද (18) පක්ෂ මූලස්ථානයේ දි මාධ්යය අමතා ප්රධාන ලේකම්වරයා මේ බව ප්රකාශ කළේය.
“කොමිසම පත් කළේ අප විසින් නොවෙයි. එය චන්ද්රිකාගේ රජය සමයේදී පිහිටුවන ලද්දක්. ඔවුන් සඟවා තිබූ මෙම වාර්තාව දැන් අප විසින් ඉදිරිපත් කර තිබෙනවා. කොමිෂන් සභා වාර්තාවක් ඇති බැවින් මඩ ගැසීම් අවශ්ය නෑ. මෙම වාර්තාව පාර්ලිමේන්තුවේ සභාගත කරලා තියනවා. එය සැමට දැකගත හැකියි. මෙම කොමිෂන් සභා වාර්තාව ගැන පාර්ලිමේන්තුවේ ද විවාදයක් සිදුවෙමින් තිබෙනවා,” ටිල්වින් සිල්වා කීවේය.
“මෑතකදී රනිල් වික්රමසිංහ ප්රකාශයක් කළා. නමුත් ඔහුට එරෙහි චෝදනා ඔහු ප්රතික්ෂේප කළේ නෑ. ඊට අමතරව, වධහිංසාවලට ලක් වූවන් සහ සමහර පොලිස් නිලධාරීන් ඇතුළු බොහෝ දෙනෙක් බටලන්ද සිදුවීම් පිළිබඳව සාක්ෂි සැපයීමට සූදානම්ව ඉන්නවා. මෙය නීතියට අනුව සිදුවන දෙයක්. රජය කිසිදු හේතුවක් නිසා මෙය වෙනස් කරන්නේ නෑ. ”
” දැන් අප සම්බන්ධව විවේචන වර්ග දෙකක් තියනවා. සමහරු කියන්නේ මෙය මඩ ගසා පළිගැනීමට ගත් උත්සාහයක් බවයි. තවත් සමහරු විශ්වාස කරන්නේ රනිල්ට දඬුවම් නොලැබෙන බවයි. මේ වාර්තාවෙන් කිසිවක් නොලැබෙන බවයි.”
කවුරුන් කුමක් කීවත්, අපි නීතියට අනුව කටයුතු කරනවා. අපි මෙහි සිටින්නේ මඩ ගැසීමට හෝ පළිගැනීමට නොවෙයි. නමුත් නීතිය ක්රියාත්මක වන බව සහතික කිරීමටයි. ”
ඔහු අවධාරණය කරන්නේ බටලන්ද වාර්තාව මත පදනම්ව නීතිමය ක්රියාමාර්ග ඉදිරියේදී ගනු ඇති බවය.
