ඇමරිකානු ඩොලර් මිලියන 2.2 ක අත්යාවශ්ය ඖෂධ පරිත්යාගයක් කිරීමට බංගලාදේශය යලි ඉදිරිපත් වී ඇත.
සෞඛ්ය අමාත්යාංශය පැවසුවේ, බංග්ලාදේශ මහ කොමසාරිස් Tareq Md Ariful Islam විසින් ඇමරිකානු ඩොලර් මිලියන 2.2 ක් වටිනා අත්යාවශ්ය ඖෂධ තොගය සෞඛ්ය අමාත්ය කෙහෙළිය රඹුක්වැල්ල වෙත පරිත්යාග කළ බවයි.
පරිත්යාග කරනු ලැබූ මෙම ඖෂධ තොගය පිළිකා මර්දන, අධි රුධිර පීඩනය, ප්රතිජීවක ඖෂධ, එන්නත්, ප්රතිවෛරස්, අපස්මාර මර්දන, සහ ඇදුම මර්දන ඖෂධ ඇතුළු අත්යාවශ්ය ඖෂධ 79කින් සමන්විතය.
මෙම දුෂ්කර අවස්ථාවේදී ශ්රී ලංකාවට සහය වීමට හැකි වීම පිළිබඳ බංග්ලාදේශය සතුටු වන බවත්, ඓතිහාසික වශයෙන් ඔවුන් සමඟ සබඳතා ඇති රටකට සහය වීමට ලැබීම ගෞරවයට කරුණක් බවත් මහ කොමසාරිස්වරයා ප්රකාශ කළේය.
ඉදිරියේදී ශ්රී ලංකාවට හැකි ඕනෑම ආකාරයකින් සහය වීමට ඔවුන් පෙනී සිටින බවද ඔහු ප්රකාශ කළේය.
අමාත්ය කෙහෙළිය රඹුක්වැල්ල මෙම පරිත්යාගය සම්බන්ධයෙන් බංග්ලාදේශ මහ කොමසාරිස්වරයාට, බංගලාදේශ රජයට සහ බංග්ලාදේශ ජනතාවට ස්තූතිය පළකළේය.
ඖෂධ කර්මාන්තය තුළ දෙරටේ සහයෝගයෙන් කටයුතු කිරීම සහ වෛද්ය ක්ෂේත්රය තුළ මානව සම්පත් හුවමාරු කර ගත හැකි ආකාරය පිළිබඳව ද මහ කොමසාරිස්වරයා සහ අමාත්යවරයා සාකච්ඡා කළහ.
