මනම්පිටිය නිමල් ජයරත්න –
අයිස් මත්ද්රව්ය සඳහා තිබු නීතිය සංශෝධන වීමෙන් අනතුරුව මහා අධිකරණයේ, පළමුවරට නඩුවක් පැවරිය හැකි ආකාරයේ මත්ද්රව්ය ප්රමාණයක් ප්රථම වරට පොළොන්නරුවෙන් අත්අඩංගුවට ගත් බව පොලොන්නරුව කොට්ඨාස දූෂණ මර්ධන ඒකකය සඳහන් කරයි.
පොලොන්නරුව උණගලාවෙහෙර ප්රදේශයේ දී අද (03) සවස 3ට පමණ සැකකරුවකු සමග අයිස් මත්ද්රව්ය මිලි ග්රෑම් 5340ක් මෙසේ අත්අඩංගුවට ගත් බව පොලොන්නරුව කොට්ඨාස දූෂණ මර්දන ඒකකයේ ස්ථානාධිපති උප පොලිස් පරීක්ෂක, සමීර මංජුල කුලසිංහ පැවසුවේය.
සැකකරු පොලොන්නරුව උණගලාවෙහෙර ප්රදේශයේ පදිංචි තිස්පස් වියැති අයෙකු වන අතර, ඔහු මීට පෙර ගංජාවලට අත්අඩංගුවට ගෙන අධිකරණයේ වරද කරුවකු වී සිටි අයකු බවද කොට්ඨාස දූෂණ මර්දන ඒකකය සඳහන් කරයි.
අත්අඩංගුවට ගත් සැකකරු කලක සිට මෙම අයිස් මත්ද්රව්ය ජාවාරම් සිදුකරගෙන ගොස් ඇති අතර ඔහු මෙම අයිස් මත්ද්රව්ය ප්රදේශය තුළ විකිණීම සඳහා මඩකලපුව, එරාවුර් ප්රදේශයෙන් ගෙනැවිත් ඇති බවට තොරතුරු අනාවරණය වී ඇතැයි කොට්ඨාස දූෂණ මර්දන ඒකකය පවසයි.
අත්අඩංගුවට ගත් සැකකරු සමඟ අයිස් මත්ද්රව්ය සමග සැකකරු පස්වැනිදා පොලොන්නරුව මහාධිකරණයට ඉදිරිපත් කිරීමට නියමිතව ඇත.
