ලලිත් චාමින්ද –
ඉකුත් වර්ෂයේ දි (2021) මාරක රිය අනතුරු 2414කින් පුද්ගලයින් 2513 දෙනෙකු මියගොස් තිබුනද වේග සිමාව ඉක්මවා රිය ධාවනය කරණ රියදුරන් හඳුනා ගැනිමේ කටයුතු සදහා ප්රමාණවත් අයුරින් වේගසිමා උපකරණ පොලිස් ස්ථාන සතුව නොමැති බව ජාතික විගණන කාර්යාලය පෙන්වාදෙයි.
වේගසිමා පරික්ෂා කිරිමේ උපකරණ 25ක් 2016 වර්ෂයේ දි අවසන්වරට මිලදිගෙන තිබුණි. ඉන් උපකරණ 05ක් ඉකුත් වර්ෂයේ දි මාරක රිය අනතුරුවලින් මියගිය සංඛ්යාව 100 ඉක්මවු අනුරාධපුරය, කුරුණැගල, ගම්පහ, කැළණිය සහ නුගේගොඩ යන පොලිස් කොට්ඨාසවෙත ලබාදී තිබුණි.
කෙසේවුවද 2010 හා 2014 යන වර්ෂයන් වලදි මිලදිගෙන තිබු වේග සිමා උපකරණ ක්රියවිරහිත වි හෝ අලුත්වැඩියා කළයුතු මට්ටමේ පැවති බවද විගණනය මගින් අනාවරණය කොට ඇත.
2020 වර්ෂයට වඩා ඉකුත් වර්ෂයේ දි මාරක රිය අනතුරු වැඩිවි ඇත. 2020 වර්ෂයේ වු මාරක රිය අනතුරු 2242 කින් පුද්ගලයින් 2363 දෙනෙකු මියගොස් තිබුණි.
