දේශබන්දු තෙන්නකෝන් පොලිස්පති ධූරයෙන් නෙරපා හරින බව නිල වශයෙන් දන්වා ජනාධිපතිවරයා විසින් දේශබන්දු තෙන්නකොන් වෙත ලිඛිත දැන්වීම සිදුකර තිබේ.
ව්යවස්ථානුකූලව ගත් ක්රියාවලියේ අවසන් ක්රියාමාර්ගය ලෙස දේශබන්දු තෙන්නකෝන් පොලිස්පති ධූරයෙන් ඉවත් කිරීම සඳහා ඊයේ පාර්ලිමේන්තුවට ඉදිරිපත් කර විවාද කළ යෝජනාව වැඩි ඡන්ද 177කින් සම්මත වූයේය.
ඒ ප්රතිඵලය කථානායකවරයා විසින් ජනාධිපතිවරයාට දැනුම් දීමෙන් අනතුරුව ජනාධිපතිවරයා මෙම ලිඛිත දැන්විම සිදුකර තිබේ.
ධූරයෙන් නෙරපා හැරීමත් සමග දේශබන්දු තෙන්නකෝන්ට අහිමි වන්නේ එම ධූරයේ වරප්රසාද පමණක් බවත් ඔහු තවමත් පොලිස් දෙපාර්තමේන්තුවේ ජ්යෙෂ්ඨ නියෝජ්ය පොලිස්පතිවරයෙකු ලෙස කටයුතු කරන බවත් මේ පළිබඳ බීබීසී සංහල සේවයට අදහස් දක්වමින් මහාචාර්ය ප්රතිභා මහානාම හේවා ප්රකාශ කර තිබේ.
බීබීසි වෙත කළ ඔහුගේ පැහැදිලි කිරීම මෙසේය.
“ජනාධිපතිවරයා පාර්ලිමේන්තුවේ තීන්දුව අනුව ඒකට අත්සන් කරපු වෙලාවේ ඉඳලා දේශබන්දු තෙන්නකෝන් පොලිස්පති ධුරයෙන් පමණයි ඉවත් වෙන්නේ. හැබැයි එයා පොලිස් දෙපාර්තමේන්තුවේ ජ්යෙෂ්ඨ නියෝජ්ය පොලිස්පතිවරයෙක්. පොලිස්පති තනතුරෙන් ඉවත් වුනාට පස්සේ ඔහු ඊට පස්සේ ඊලඟ තනතුරට යනවා.”
”නමුත් දේශබන්දු තෙන්නකෝන්ට විරුද්ධව අධිකරණය හමුවේ නඩු විභාග කිහිපයක්ම තියෙනවා. පොලිස්පති තනතුරට පත් කිරීම සිදුකරපු ආකාරය වැරදි, එයාගේ ක්රියාවන් සම්බන්ධයෙන් චෝදනා එල්ල වෙලා ඒවාට එරෙහිව අධිකරණය හමුවේ නඩු ගොනු වෙලා තියෙනවා. ඒ අනුව දේශබන්දු තෙන්නකෝන් පොලිස් දෙපාර්තමේන්තුවේ සේවයෙන් ඉවත් කරනවාද නැද්ද කියලා අවසන් තීරණය ගන්න වෙන්නේ ජාතික පොලිස් කොමිසමයි.” ඔහු වැඩිදුරටත් පැවසුවේය.
