ඉන්දියාවෙන් ආනයනය කරන භාණ්ඩ සඳහා සියයට 25ක අතිරේක තීරුබද්දක් පැනවීමට ඩොනල්ඩ් ට්රම්ප් අද විධායක නියෝගයකට අත්සන් තැබුවේය.
එම තීරු බද්ද දැනට ප්රකාශිත සියයට 25ක තීරු බද්දට එකතු වන බවත් ඇමරිකානු ජනාධිපතිවරයා පවසා ඇත. ඒ අනුව මේ වනවිට ඉන්දියාවට ඇමරිකාව විසින් පනවා ඇති මුළු තීරු බද්දේ අගය සියයට 50ක් බවට පත් වී ඇත. ඉන්දියාව සෘජුව හෝ වක්රව රුසියානු තෙල් ආනයනය කරන බවට වූ සාධකය ට්රම්ප් විසින් මේ අමතර සියයට 25ක තීරු බද්ද පැනවීමට සාධකයක් කරගෙන ඇත
නියෝගය අත්සන් කිරීමෙන් දින 21 කට පසු තීරුබදු ක්රියාත්මක වනු ඇති බවත්, මේ කාලය තුළ ඉන්දියාව සහ රුසියාව යන දෙපාර්ශවයටම ආනයන බදු සම්බන්ධයෙන් පරිපාලනය සමඟ සාකච්ඡා කිරීමට කාලය තිබිය හැකි බවත් විදෙස් මාධ්ය වාර්තා කරයි.
කෙසේ වෙතත් මෙම පියවර එක්සත් ජනපද-ඉන්දියානු සබඳතා තවදුරටත් සංකීර්ණ කිරීමේ අවදානමක් ගැන විදෙස් මූලාශ්ර අනතුරු අඟවා ඇත.
විදෙස් මාධ්ය ප්රකාශ කරන්නේ මේ තීරණාත්මක බදු පැනවීම සිද්ධ වන්නේ අගමැති නරේන්ද්ර මෝදි මෙම මාසයේ අගභාගයේදී වසර හතකට වැඩි කාලයකට පසු පළමු වරට චීන සංචාරයක නිරතවන බවට ඉන්දීය රජයේ මුලාශ්ර විසින් ප්රකාශ වීමෙන් පසුව බවය.
ඉන්දියාව සමඟ වෙළඳ ගිවිසුමක් ඇති කර ගැනීමට අසමත් වීමෙන් පසු එක්සත් ජනපද-ඉන්දියානු සබඳතා වසර ගණනාවකට පසු ඔවුන්ගේ බරපතලම අර්බුදයට මුහුණ දී සිටී.
