පළාත් පාලන මැතිවරණය වසරකින් කල් දැමීමට රජය තීරණය කර ඇතැයි ද ඊට අදාළ කැබිනට් පත්රිකාව රාජ්ය සේවා ,පළාත් සභා හා පළාත් පාලන ඇමති ජනක බණ්ඩාර තෙන්නකෝන් විසින් කැබිනට් මණ්ඩලයට දැනටමත් ඉදිරිපත් කරනු ලැබ ඇතැයි ද රජයේ ආරංචි මාර්ග හෙළිදරවු කරයි.
පළාත් පාලන ආයතනවල නිල කාලය වසරකින් කල් දැමීමට පළාත් පාලන පනත අනුව, විෂය භාර ඇමැතිවරයාට ඇති බලය ප්රකාරව මෙම කැබිනට් පත්රිකාව ඉදිරිපත් වී ඇත.
එම කැබිනට් පත්රිකාව කැබිනට් මණ්ඩලයට ඉකුත් සතියේ දී ඉදිරිපත් කර ඇතත් පසුගිය සඳුදා(13) පැවති කැබිනට් රැස්වීමේදී එය සාකච්ඡාවට ගෙන නැති බව ද වාර්තා වේ.
ඒ සම්බන්ධයෙන් අග්රාමාත්ය මහින්ද රාජපක්ෂ , මුදල් ඇමැති බැසිල් රාජපක්ෂ සහ රාජ්ය සේවා, පළාත් සභා හා පළාත් පාලන ඇමති ජනක බණ්ඩාර තෙන්නකෝන් හමුවී සාකච්ඡා කිරීමෙන් අනතුරුව, එය කැබිනට් මණ්ඩලයේ දී සාකච්ඡාවට ගැනෙනු ඇතැයි දැනගන්නට තිබේ.
2017 වසරේ පෙබරවාරි මස පැවැති පළාත් පාලන මැතිවරණයෙන් මහ නගර සභා ,නගර සභා සහ ප්රාදේශීය සභා වලට තේරීපත්වූ සභිකයන්ගේ ධුර කාලය ලබන වසරේ පෙබරවාරි මාසයෙන් අවසන් වීමට නියමිතය .
එම පළාත් පාලන මැතිවරණයේදී පළාත් පාලන ආයතන අති බහුතරයක බලය හිමිවූයේ ශ්රී ලංකා පොදුජන පෙරමුණට ය .
ලංකාදීප-
