දිනසේන රතුගමගේ –
බිම් බෝම්බ ඉවත්කිරීමේ ක්රියාවලිය තුළ සියලුම බෝම්බ ඉවත් කළබවට සහතික කිරීමෙන් පසු ජනතාව පදිංචි කළ භූමියක ජීවත්වුන තරුණයෙක් සිය ඉඩමේ වළක් කැපීමට යෑමේ දී බෝම්බයක් පිපිරීමෙන් බරපතල ලෙස තුවාල ලබා ඊයේ (13 ) යාපනය ශීක්ෂණ රෝහලට ඇතුළත් කොට තිබේ.
වයස අවුරුදු 19 ක් වූ විල්වරාසා ධනුෂන් නැමති මෙම තරුණයා සිය ඉඩමක වළවල් හාරමින් සිටියදී පොලොව යට වළදමා තිබූ අධි බැලැති පීඩන බෝම්බයක් උදැල්ලේ ගැටීම නිසා එම බෝම්බය පිපිරී යාමෙන් මෙලෙස බරපතල ලෙස තුවාල ලබා ඇත.
බෝම්බය පිපිරීමෙන් පසුව ඔහුගේ මුහුණ හා උදර කොටසට බරපතල හානි සිදුව තිබේ.
පොලීසිය විසින් සිදු කළ මූලික පරීක්ෂණ වලදී හෙළි වී ඇත්තේ යුද සමයේදී වළ දමන ලද පීඩන බෝම්බයක් මෙලෙස පුපුරා ගොස් ඇති බවයි.
නමුත් බිම්බෝම්බ ඉවත් කරණු ලබන සංවිධාන විසින් මෙම භූමියේ බිම් බෝම්බ සම්පූර්ණයෙන්ම ඉවත් කොට ඇති බවට රජයට සහතික ලබා දීමෙන් පසුව වැසියන් යළි පදිංචි කළ ප්රදේශයක මෙම බෝම්බය පිපිරී ගොස් ඇති බව පොලීසිය සදහන් කරයි.
යාපනයේ කොඩිකාමම් පොලීසිය මෙම බෝම්බ පිපිරීම සම්බන්ධයෙන් පරීක්ෂණ පවත්වා ගෙන යයි.
