පාතාලය ඇතුළු නොයෙකුත් සමාජ විරෝධී ක්රියා කරන බොහෝ දෙනෙකු දේශපාලනඥයින් ගේ ඇසුරේ පසුවන්නන් බවත් අපරාධකරුවන් විසින් සිදු කරන සමාජ විරෝධී ක්රියාවන්ට අදාළ වගකීමෙන් දේශපාලනඥයින්ට නිදහස් වීමට නොහැකි බවත් අස්ගිරි පාර්ශවයේ මහා නායක .අතිපූජ්ය වරකාගොඩ ශ්රී ඤාණරතන මහානායක ස්වාමින්ද්රයන් වහන්සේ පවසති.
පොල්ගොල්ල බෝධිමල්කඩ විහාරස්ථාන දහම් පාසලේ අධ්යාපනය ලබන සිසු සිසුවියන්ට පාසල් පොත් බෙදා දීමේ වැඩසටහනකට ඉරිදා (28) පස්වරුවේ එක් වෙමින් මහ නාහිමියෝ මේ බව පැවසූහ.
මත් උවදුරින් රට මුදා ගැනීම සඳහා මහජන ආරක්ෂක අමාත්ය ටිරාන් අලස් සහ වැඩ බලන පොලිස්පතිවරයා විශේෂ උනන්දුවකින් කටයුතු කරන බැවින් එය අවසානයක් කරා ගෙන යෑමට ඔවුන් ට කාගේත් සහය ලැබිය යුතු බව ද උන්වහන්සේ පෙන්වා දුන්හ.
එහෙත් පාතාලය ඇතුළු නොයෙකුත් සමාජ විරෝධී ක්රියා කරන බොහෝ දෙනෙකු දේශපාලනඥයින් ගේ ඇසුරේ පසුවන්නන් බැවින් මේ අපරාධකරුවන් විසින් සිදු කරන සමාජ විරෝධී ක්රියාවන්ට අදාළ වගකීමෙන් දේශපාලනඥයින්ට නිදහස් වීමට නොහැකි බවය.
.මෙම අවස්ථාවට අස්ගිරි පාර්ශවයේ කාරක සංඝ සභික මුරුද්දෙණියේ ධම්මරතන, ලියන්වල ශාසනරතන යන හිමිවරු ද සහභාගි වූහ
