සචිනි ඉමල්ශා –
ප්රවීණ දක්ෂ ටෙලිනාට්ය , වේදිකා මෙන්ම සිනමා නිළියක වන මියුරි සමරසිංහ කලා ක්ෂේත්රය තුළ නොමැකෙන අඩුවක් තබමින් දිවි සැරියෙන් සමුගෙන ගියාය. මිය යන විට 81වන වියේ පසුවූ ඇය පිළිකා රෝගයකින් කලක් පීඩා විදිමින් සිටියාය.
1939 මාර්තු 15 වන දින මොරටුවේ දී උපත ලද ඇය අධ්යාපනය ලබන්නෙ කතෝලික පාසලෙන් සහ මියුසියස් විද්යාලයෙනි. ඇගේ සැමියා පියල් සමරසිංහය. ඇය සිව්දරු මවකි.
ගුවන් විදුලියේ “මාසික රැඟුම” සංගීත ප්රසංගයේ මුල්වරට රංගනයෙන් දායක වූ ඇය “මිරිඟුව ” චිත්රපටයේ උපප්රධාන චරිතයක් හරහා රංගන ක්ෂේත්රයට අවතීර්ණ විය. මඩොල් දූව, යස ඉසුරු , විරාගය ,යහළුයෙහෙළි , මාරුතය, සාර , භවදුක ආදී චිත්රපටවලට මෙන්ම මෑතකදී පත්තිනි , ඝරසරප වැනි චිත්රපට වලට ද තම රංගන දායකත්වය ලබා දුන්නාය.
බන්දුල විතානගෙන් නිර්මාණයක් වන ” එරබදු මල්” හරහා පුංචි තිරයට ප්රවිෂ්ටවන ඇය නෑදෑයෝ , දූ දරුවෝ , ගිරය , අසල්වැසියෝ , යසබොස් ආදී ටෙලිනාට්යවලින් නොමැකෙන සේ රසික හදවත් බැඳ ගත්තාය.
රාජ්ය සම්මාන ලාභියෙකු වන ඇය ස්වර්ණ නිර්මාණ සම්මානයෙන් ද ජනාධිපති සම්මානයෙන් ද පිදුම් ලැබුවාය. ඇය නිර්මාණය කර අධ්යක්ෂණය කළ වේදීකා නාට්ය රැසක් වෙනුවෙන්ද සම්මාන ලබා ගත්තාය. එසේම ධර්මශක්ති සමාජ සේවා පදනම මගින් ප්රදානය කළ ගෞරව සම්මානද ඇය විසින් ලබා ගත්තාය.
වේදිකා නාට්ය 300 පමණ රංගනයෙන් දායක වූ ඇය නාට්ය දහයක් පමණ නිර්මාණ අධක්ෂනයෙන් හැඩ ගැන්වීය.
ඇය අද තම ජීවන සැරියෙන් සමු ගත්තේ කලා ලෝකය තුළ මහත් හිඩසක් තබමිනි.
ඉතින් ඇයට නිවනෙහි දොරටුව විවර වේවායී අපි ප්රාර්ථනා කරමු.
