හදිසියේ අභාවප්රාප්ත වූ ප්රවීණ රූපලාවණ්ය ශිල්පිණි තිරාණි පීරිස් ගේ දියණිය වන නෙතාසා පීරිස් මෙනවියගේ අවසන් කටයුතු අද (17) සවස සිදුවීමට නියමිතය.
මැලේසියාවේ මොනෑෂ් සරසවියේ වෛද්ය විද්යාව හදාරමින් සිටියදී පසුගියදා අභාවප්රාප්ත වූ ඇය ගේ දේහය මේ වන විට තිරාණි පීරිස්ගේ බම්බලපිටිය නිවසට රැගෙන විත් ඇති අතර අද සවස බොරැල්ල කනත්ත සුසාන භූමියේදී අවසන් කටයුතු සිදු කිරීමට නියමිතය.
නෙතාසා පීරිස් මෙනවිය හදිසියේ මිය යාමට හේතුව ඇයගේ රුධිරගත සීනි මට්ටම දැඩි සේ අඩුවීම බවට පශ්චාත් මරණ පරීක්ෂණවලින් හෙළිව ඇති අතර ඇය තමන් නේවාසිකව සිටින මහල් නිවාස සංකීර්ණයේදී රෝගී වී රෝහලට ඇතුළත් කිරීමෙන් පසුව එරට දී මිය ගියාය.
ඇයට නිවසින් දුරකථන ඇමතුම් ගණනාවක් දුන්නද ඊට පිළිතුරු ලබා නොදුන් නිසා හිතවතුන්ට ඇය ගැන සොයා බලන ලෙස කළ ඉල්ලමට අනුව සොයා බැලීමේදී ඇය සිය නිවසේ තනිවම සිට ඇති අතර දැඩි පරිශ්රමයක් දරා කාමරයේ දොරගුලු කඩා ඇය වෙත ළගා වී ඇත.
ඒ මොහොතේද ඇය අසල ගලූකෝස් පැකට්ටුවක් තිබී ඇති අතර සීනි මට්ටම අඩුවන බවට වූ අවබෝධය නිසා එලෙස එය ගන්නට ඇති බව පවුලේ සමීපතයෙක් ලංකාසරට පැවසීය.
කෙසේ වුවද ඇය රෝහල් ගත කිරීමෙන් පසුව මිය ගොස් ඇති අතර වෛද්යවරුන් නිගමනය කර ඇත්තේ රුධිර ගත සීනි මට්ටම අඩුවීම හේතුවෙන් ඇය මිය ගිය බවයි.
ලංකාසර වෙත අදහස් දැක්වූ තිරාණි පීරිස් පවුලේ සමීතයකු තවදුරටත් සඳහන් කළේ ඇය දැනට වසර 10ක පමණ කාලයක සිට නිර්මාශ ජීවිතයක් ගත කළ බවය.
