යළිත් ප්රභාත් ජයසූරිය විශිෂ්ට පන්දු යැවීමකය. ඔහු ආධුනික අයර්ලන්ත කණ්ඩායම සුනු විසුණු කර දැම්මේය. නැවත වරක් ඔහු ලකුණු 42කට කඩුළු 05කි. මේ ඔහුගේ ටෙස්ට් දිවියේ ඔහු කඩුළු 05ක් ලබා ගත් 05වන අවස්ථාවය.
31 හැවිරිදි ප්රභාත් ජයසූරිය නැමති විශිෂ්ට වමත් ඕතඩොක් පන්දු යවන්නා පමා වී ශ්රී ලංකා ක්රිකට් ක්රීඩාවට පැමිණි වසන්තයක් වැනිය.
ඔහු මෙතෙක් ක්රීඩා කර ඇත්තේ ටෙස්ට් තරග 06කි. ඉනිම් 10 කි ඔහු ඒ ඉනිම 10 තුළ මේ වනවිට කඩුළු 38ක් ලබාගෙ තිබේ. ඒ අතර කඩුලු 05ක් එක් ඉනිමක දී ලබා ගත් 5වන අවස්ථාවය මෙයය.
කඩුළු 10ම ලබා ගත් එක් අවස්ථාවක් මෙන්ම කඩුළු 04ක් ලබා ගත් එක් අවස්ථාවක් ඔහුගේ කෙටි ටෙස්ට් ජීවිතය වර්ණනය කර තිබේ.
පළමු ඉනිම ක්රීඩා කරන අයර්ලන්ත කණ්ඩායම ලකුණු 117කට කඩුළු 07කි.
ශතක 4ක් සහිත ලකුණු 591ක ශ්රී ලංකා මුල් ඉනිමේ දැවැන්ත ඉලක්කයක් හඹා යන්නට පැමිණි අයර්ලන්ත කණ්ඩායම ශ්රී ලංකා පන්දු යවන්නන් හමුවේ මුලුමනින්ම නිරුත්තර වූයේය.
ඉනිමේ මෙතෙක් වැඩිම ලකුණු ලාභියා වූයේ ආරම්භක පිතිකරු ජේම්ස් මැක්කොලම් ය. හෙතෙම හතරේ පහර 05ක සහිතව ලකුණු 35ක් ලැබුවේය.
හැරී ටෙක්ටර් ලකුණු 34ක් ලැබුවේ එක් හයේ පහරක් සහ හතරේ පහර 02ක් සමගිනි.
අයර්ලන්තය වෙනුවෙන් මේ වනවිට ලෝසන් ටකර් ලකුණු 21 නොදැවී ලබාගෙන හුදකලා සටනක් දියත් කර තිබේ.
දිනය අවසන් වනවිට අයර්ලන්තය මුල් ඉනිමේ දී කඩුළු 03ක් පමණක් අතැතිව ශ්රී ලංකා මුල් ඉනිමට වඩා ලකුණු 474ක් පසුපසිනි. ප්රභාත් ජයසූරිය ලකුණු 42කට ලබා ගත් කඩුලු 05 සමගම විශ්ව ප්රනාන්දු ලකුණු 22කට කඩුළු 02ක් ලැබුවේය.
