ජනවාරි මස 06 වැනිදා ආරම්භ වීමට නියමිත ශ්රී ලංකා සිම්බාබ්වේ එක්දින සහ විස්සයි විස්ස තරගාවලි සඳහා මේ වනතුරුත් 15කින් සමන්විත සංචිතය නම් නොකිරීම සම්බන්ධව මේ වනවිට බරපතල ප්රශ්නයක් මතු වි ඇතැයි අභ්යන්තර ආරංචි මාර්ග කියයි.
උපුල් තරංගගේ තේරීම් කමිටුව එක්දින, විස්සයි විස්ස සහ ටෙස්ට් සඳහා නායකයින් තුන් දෙනෙක් පත් කිරීමට යෝජනා කර තිබිණි. එහෙත් තවම ක්රීඩයකියින් 15කගෙන් සමන්විත කණ්ඩායම නම් කර නැත.
එක්දින තරග තුනකින් සහ විස්සයි විස්ස තරග තුනකින් සමන්විතව කොළඹ ආර්. ප්රේමදාස ක්රීඩාංගනයේ මෙම තරගාවලිය පැවැත්වෙන අතර මේ වනවිට ශ්රී ලංකා කණ්ඩායමේ ප්රධාන පුහුණුකරු ක්රිස් සිල්වර්වුඩ් රට තුළ නොමැති බව වාර්තා වේ.
එමෙන්ම ඔහුගේ කොන්ත්රාත් කාලය ජනවාරි මාසයේ අවසන් වීමත් සමග නව පුහුණු කරුවෙක් තෝරා ගැනීම හෝ ඔහුට සේවා දිගුවක් ලබා දීම සඳහා ද තවම නිශ්චිත තීරණයකට එළඹ නැතැයි අභ්යන්තර ආරංචි මාර්ග කියයි.
දිගින් දිගටම අසාර්ථකවන සහාය පුහුණුකරුවන් සමග ජාතික කණ්ඩායමකට යා හැකි දුරක් නැති බව පෙනී ගොස් ඇති පසුබිමක ජාතික පුහුණුකාර ධූරය පිළිබඳ නිශ්චිත තීන්දුවක් නොමැතිකම තත්ත්වය වඩාත් බරපතල කර ඇතැයි වාර්තා වේ.
මේ තත්ත්වය තුළ උපුල් තරංගගේ සභාපතිත්වයෙන් යුතු නව තේරීම් කමිටුවේත් ලක්ෂ පනහක පඩියක් සඳහා පැමිණි නව උපදේශක සනත් ජයසූරිය සහ සේවය කරමින් සිටිනා උපදේශක මහේල ජයවර්ධනගේත් ඉදිරි තින්දු මත ශ්රී ලංකා ක්රිකට්වල ආසන්න ඉදිරිය තීරණය වීමට නියමිත බව දැනගන්නට ඇත.
