පලාත් පාලන ආයතන 336කට අදාලව මැයි මස 06 වැනිදා පැවති පළාත් පාලන ආයතන ඡන්ද විමසීමට සම්බන්ධව රාජ්ය පරිපාලන පළාත් සභා සහ පළාත් පාලන අමාත්යවරයාගේ ගැසට් නිවේදනයට අනුව ප්රාදේශීය සභා 161ක වැඩ කටයුතු හෙට දින ආරම්භ වීමට නියමිතව තිබේ.
එම ආයතන ප්රධානීන්ගේ නම් ද මේ වනවිට මැතිවරණ කොමිෂන් සභාව විසින් ගැසට් මගින් ප්රකාශයට පත් කර ඇත. මේ සම්බන්ධව අදහස් දක්වමින් මැතිවරණ කොමසාරිස් ජනරාල් සමන් ශ්රී රත්නායක පැවසුවේ බහුතරය සහිත පළාත් පාලන ආයතනවල කටයුතු හෙට සිට සිය කටයුතු ආරම්භ කරන බවය.
දේශපාලන පක්ෂයක්, කණ්ඩායමක් හෝ ස්වාධීන කණ්ඩායමක් විසින් බහුතර බලය අත් පත් කරගෙන නැති පළාත් පාලන ආයතන 178ක් සඳහා බලය පිහිටුවන ආකාරය සම්බන්ධව ද මැතිවරණ කොමසාරිස් ජනරාල්වරයා පැහැදිලි කළේය.
මැතිවරණ කොමසාරිස් ජෙනරාල්වරයා පවසන්නේ පළාත් පාලන ආයතන 178කට අදාලව තනි පක්ෂයක් හෝ ස්වාධීන කණ්ඩායමක් පූර්ණ ජයග්රහණයක් ලබාගෙන නොමැති තත්ත්වයක් තුළ එම ආයතනයන්හි බලය පිහිටුවීම පළාත් පාලන ආයතන කොමසාරිස්වරුන්ගේ ප්රධානත්වයෙන් එම පළාත් පාලන ආයතන රැස්වී තීරණය කිරීමට නියමිත බවය.
“බහුතර බලයක් සහිත පලාත් පාලන 161ක සඳහා ඔවුන්ගේ කටයුතු ආරම්භ කිරීමට අවස්ථාව ලැබෙනවා ජූලි මස 02 දින සිට. ඒ වගේම තමයි ඉතිරි පළාත් පාලන ආයතන 178 සඳහා අපි මේ වනවිට දේශපාලන පක්ෂ හෝ කණ්ඩායම්, ස්වාධීන කණ්ඩායම් අපට ඉදිරිපත් කරන නම් දාලා ගැසට් පත්රය පල කරලා තියෙන්නේ. ඒ අනුව අදාල සභිකයින්ට ඔවුන්ගේ සභාපතිවරයා හෝ නගරාධිපතිවරයා නියෝජ්ය නගරාධිපතිවරයා හෝ නියෝජ්ය සභාපතිවරයා තොරා ගැනීමේ අවස්ථාවට සහභාගී වීමේ හැකියාව ලැබෙනවා. ” අධ්යක්ෂ ජනරාල්වරයා පැවසුවේය.
පවතින තත්ත්වය සම්බන්ධව පැපරල් ආයතනයේ විධායක අධ්යක්ෂ රෝහණ හෙට්ටිආරච්චි පැහැදිලි කළේ එළඹෙන සතියේ හෝ 9 වැනිදා ආරම්භවන සතිය තුළ බහුතර බලයක් රහිත පළාත් පාලන ආයතන 178 තුළ ආයතන පිහිටුවීම සඳහා අවශ්ය ක්රියාමාර්ග ගනු ඇතැයි බලාපොරොත්තු වන බවය.
“මොකද නීතිය අනුව සියයට 50ක් ලබා නොගන්නා සභා සඳහා සභිකයින්ව දැනුම්වත් කරන්නට සතියක කාලයක් ලබා දිය යුතු වෙනවා. ඒ වගේම ඒ සභාවල ගණ පූර්ණය සියයට 50ක් සම්පූර්ණ කිරීම අනිවාර්ය වෙනවා. එහෙම නොවුනොත් සභාව පිහිටුවීම සහ සභාපතිවරුන් පත් කිරීමේ දි ගැටලු මතු වෙනවා. අප බලාපොරොත්තු වෙනවා ඉදිරි සතිය තුළ මේ කටයුතු අවසන් වේවි කියලා.”
රෝහන හෙට්ටිආරච්චි කීවේය.
