මනම්පිටිය නිමල් ජයරත්න-
මඩකලපුව එරාවුර් මීරා ජුම්මා පල්ලියට යාබද ඉඩමක වළඳමා තිබූ අත්බෝම්බ හතරක් අද (09) පෙරවරුවේදී සොයා ගත් බව එරවුර් පොලිසිය කියයි.
යුද හමුදා බුද්ධි අංශයට සහ වව්නතිව් පොලිස් විශේෂ කාර්ය බළකායට ලද තොරතුරක් අනුව එම අත්බෝම්බ සොයාගැනීමට හැකිවූ බව එරාවුර් පොලිසිය සඳහන් කරයි.
මීට වසර දහයකට පමණ ඉහතදී එම අත්බෝම්බ වළදමා ඇති බවට සැකකරන, අතර අඩි තුනක් පමණ ගැඹුරින් පොළොව යට එම අත් බෝම්බ වළදමා ඇති බව යුද හමුදා බුද්ධි අංශයේ නිලධාරියකු පැවසීය.
අධිකරණ නියෝගයකින් පසු ඒවා නිෂ්ක්රීය කිරීමට කටයුතු කරන බවද පොලිසිය පවසයි.
හමු වූ අත්බෝම්බ අතර SFG 87 වර්ගයේ අත්බෝම්බ 3 ක් හා SFG 82 වර්ගයේ අත්බෝම්බයක් ද තිබූ බව එරාවුර් පොලිසිය සඳහන් කරයි. මේ පිළිබඳ වැඩිදුර පරීක්ෂණ එරාවුර් පොලිසිය මගින් සිදු කරයි.
