මනම්පිටිය නිමල් ජයරත්න –
පොළොන්නරුව පරාක්රම සමුද්රයේ ප්රදේශ රැසක ජපන් ජබර සහ සැල්වීනියා ව්යාප්ත වීම හේතුවෙන් ධීවර ජනතාව මෙන්ම ගොවීන් දැඩි දුෂ්කරතාවයට පත්ව සිටිති.
ක්ලීන් ශ්රී ලංකා වැඩසටහන යටතේ ජපන්ජබර සහ සැල්වීනියා ඉවත් කළ ද මේ වනවිට නැවතත් පරාක්රම සමුද්රයේ ස්ථාන කිහිපයක සැල්වීනියා සහ ජපන්ජබර මතුවීම හේතුවෙන් ධීවර කටයුතුවලට දැඩි ලෙස බාධා එල්ල වී ඇති බවද ධීවරයෝ පෙන්වා දෙති.
පරාක්රම සමුද්රය යටතේ යල මහ දෙකන්නයේ කුඹුරු අක්කර 35,000 කට වැඩි ප්රමාණයක් වගා කරති.
සමුද්රයේ සම්පූර්ණ ජලධාරිතාවය අක්කර අඩි 1,15000 ක් පමණ තිබෙන අතර, ඉන් විශාල ජලධාරිතා ප්රමාණයක මෙම ජපන්ජබර සහ සැල්වීනියා පිරී ඇති බවත්, ඒවා ඉවත් කිරීමට ස්ථිර නිසි වැඩපිළිවෙලක් නොමැති බවද ධීවරයින් සහ ගොවීන් ප්රකාශ කරයි. ගොවීන් ඉල්ලා සිටින්නේ විද්යාත්මක පදනමක් මත ඒවා ඉවත් කිරීමේ වැඩපිළිවෙළක් කඩිනමින් සංවිධානය කරන ලෙසය.
අප මේ පිළිබඳව පොළොන්නරුව පරාක්රම සමුද්රය භාර වාරිමාර්ග ඉංජිනේරු කාර්යාලයෙන් දුරකථනයෙන් කළ විමසීමකදී එහි නිලධාරියෙකු සඳහන් කළේ ඉදිරියේදී රජය සමඟ මැදිහත් වී පිරි පවතින ජපන්ජබර සැල්වීනියා ඉවත් කිරීමේ ස්ථිර වැඩපිළිවෙලක් ක්රියාත්මය කිරීමට සැලසුම් කර ඇති බවය.
