පාකිස්තාන ක්රිකට් පාලක මණ්ඩලයේ සභාපති මොෂින් නක්වි ඊයේ (14) රාත්රියේ පුහුණුවීම්වල නිරතවෙමින් සිටි ශ්රී ලංකා සහ පකිස්ථාන ක්රීඩකයින් හමුවීමට රාවල්පිණ්ඩි ක්රීඩාංගනයට පැමිණියේය. ඒ අද පැවැත්වෙන තරගාවලියේ දෙවැනි එක් දින තරගයට මුහුණ දීමට දෙරටේ ක්රීඩකයින් සැරසෙමින් සිටියදී ය.
මොෂින් නක්වි පකිස්ථාන ක්රිකට් පාලක මණ්ඩලයේ සභාපති මෙන්ම පකිස්ථාන අභ්යන්තර කටයුතු ඇමතිවරයාය. ඔහු ශ්රි ලංකා ක්රීඩකයින් හමුවීමට රාවල්පිණ්ඩි ක්රීඩාංගනයට යන්නේ ස්ලාමාබාද් බෝම්බ පිපිරීමත් සමග ඇතිවුන ආරක්ෂක නොසන්සුන්තාවයෙන් කලබලයට පත් ශ්රී ලංකා ක්රීඩකයින් පිරිසක් තරගාවලිය අත්හැර දමා ශ්රී ලංකාවට පැමිණෙන්නට සැලසුම් කර එම සැලසුම වළක්වා ගැනීමෙන් පසුවය.
මොෂින් නක්විගේ මෙම ගමනේ පරමාර්ථය වූයේ ශ්රී ලංකා ක්රීඩකයින් බියපත්ව සිටියා නම් ඔවුනගේ චිත්ත ධෛර්යය ඉහළ නැන්වීමය. සියලුම ක්රීඩකයින්ගේ සහ කාර්යමණ්ඩලයේ ආරක්ෂාව සහ යහ පැවැත්ම සහතික කිරීම සඳහා පකිස්ථාන ක්රිකට් ආයතනය විසින් සිදුකරන කැපකිරීම තහවුරු කිරීමය.
ඇති වූ ආතතීන් නොතකා ශ්රී ලංකා කණ්ඩායම තරගාවලියේ දිගටම රැඳී සිටීමට ගත් තීරණය අගය කරමින් නක්වි කණ්ඩායම් දෙකේම සාමාජිකයින් සමඟ අදහස් හුවමාරු කර ගත්තේය. කණ්ඩායමේ ප්රධාන පුහුණුකරු සනත් ජයසූරිය, නායක චරිත් අසලංක, ඇතුළු කණ්ඩායමේ ක්රීඩකයින් සමග නක්වි සුහද සාකච්ඡාවක යෙදෙන අයුරු පෙනුණි.
ඉතා ඉහළ ආරක්ෂාවක් සහිතව ශ්රී ලංකා ක්රීඩකයෝ පකිස්ථානයේ රැඳී සිටිමින් තරගාවලිය ඉදිරියට ගෙන යෑමට කටයුතු කරති.
