මත්ද්රව්ය සමඟ අත්අඩංගුවට පත් විදුහල්පති වැඩ ආවරණය කරන පුද්ගලයෙක් බවත් ඔහු ශ්රේණි ධාරී විදුහල්පතිවරයෙක් නොවන බවත් පැහැදිලි කරමින් ශ්රී ලංකා වෘත්තීයවේදී විදුහල්පතිවරුන්ගේ සංගමය අද (14) නිවේදනයක් නිකුත් කර තිබේ.
පෑලියගොඩ නගර සභාවේ NPP නාගරික මන්ත්රී කාන්තාවගේ ස්වාමිපුරුෂයා වූ, අනුරාධපුර එප්පාවල ප්රදේශයේ ප්රාථමික පාසලක විදුහල්පති කෙනෙක් ලෙස හඳුනාගත් මෙම පුද්ගලයා හෙරොයින් කිලෝ එකකට අධික ප්රමාණයක් සමඟ පසුගිය (5) වන දින අත්අඩංගුවට ගෙන තිබුණි.
මේ තැනැත්තා සම්බන්ධව හෙළි කරමින් වෘත්තීයේදී විදුහල්පතිවරුන්ගේ සංගමය නිකුත් කළ නිවේදනයේ දැක්වෙන්නේ, මත්ද්රව්ය සමග අත්අඩංගුවට පත් නිලධාරියා ‘විදුහල්පති’ ලෙස ඉස්මතු කර දැක්වුව ද ඔහු ශ්රී ලංකා විදුහල්පති සේවයේ ශ්රේණිධාරී විදුහල්පතිවරයකු නොවන බවත්, ඔහු අදාල තනතුරේ වැඩ ආවරණය කරන ශ්රී ලංකා ගුරුසේවයේ නිලධාරියකු බවත්ය.
‘විදුහල්පති’ යනුවෙන් හැඳින්විය හැක්කේ ශ්රී ලංකා විදුහල්පති සේවයේ ශ්රේණිධාරි නිලධාරීන් සම්බන්ධයෙන් පමණක් බවද අදාළ නිවේදනයේ සඳහන්ය.
ශ්රී ලංකා වෘත්තීයවේදී විදුහල්පතිවරුන්ගේ සංගමය වැඩිදුර සඳහන් කරන්නේ විදුහල්පති සේවයේ ශ්රේණිධාරි නිලධාරීන් නොවන අයෙකු ‘විදුහල්පති’ නාමය භාවිතා කිරීම විදුහල්පති සේවයට කරන අසාධාරණයක් බැවින් මින් ඉහතට මෙම තැනැත්තා ගැන වාර්තා කරනවිට
“ශ්රී ලංකා ගුරු සේවයේ නිලධාරියෙකු” ලෙස හඳුන්වන ලෙස මාධ්යයෙන් ඉල්ලා සිටී.
