මාර්ග නිති උල්ලංඝණය කළ බව කියමින් පාර අයිනේ නවත්වා තිබූ කන්ටේනර් රථයක ටයර්වල හුළං යැවූ පොලිස් සතාට එරෙහිව විනය පරීක්ෂණයක් පැවැත්වීමට පොලිස් මූලස්ථානය තීරණය කර තිබේ.
ටොන් ගණනක් බර භාණ්ඩ සහිත මෙම කන්ටේනර් රථයේ රෝදවල හුළං අරින ට්රැෆික් සාජන්ට් වෙත පැමිණ එතැන සිටින මිනිසුන් පවසන්නේ මේ අපරාධයක් බවත් එය නොකරන ලෙසත්ය. පල්ලමක් සහිත භූමියේ ලීවරයක් මගින් හෝ රථය උස්සා ටයරය මාරු කිරීම අපහසු බව යළි යළිත් පෙන්වා දෙද්දී ඔහු මේ ජඩ ක්රියාව කරන ආකාරය සිද්ධිය සම්බන්ධ වීඩියෝවේ පෙනේ.
භාණ්ඩ පැටවූ අධි බර රථය රෝදයේ හුළං යැවූ විට ඇතිවන තත්ත්වය පැහැදිලි කර දෙමින් මේ කටයුත්තෙන් මුලු මාර්ගයම අවහිර විය හැකි බව පෙන්වා දෙන අවට පුද්ගලයින් රියදුරු රැගෙන එන තෙක් මේ කටයුත්ත නොකරන ලෙස ඉල්ලා සිටිය දී එම ඉල්ලිම් තඹයකට මායිම් නොකර ඔහු මේ ක්රියාවේ යෙදෙන්නේ නීතියට එපිටටින් සිට නිල ඇඳුමට මුවා වී මහජන පීඩාවක් ඇතිකර ඔවුන් කුපිත කරමින් පොලිසියටම අගෞරව වන ආකාරයට ය.
අනතුරුව මේ පොලිස් සතා එම රියදුරාට දඩ කොලයක් ද ලියන්නේය. එතැන සිටින අනෙක් රියදුරන් පවසන්නේ වරදක් කළවිට දඩයක් නියම කර හෝ වෙනත් නෛතික ක්රියාවලියක් අනුගමනය නොකර මෙවැනි අශිෂ්ට හැසිරීම් සම්බන්ධව රැස්ව සිටි පිරිස පොලිස් සතාට එරෙහිව දැඩි විරෝධය පළ කරන ආකාරය සිද්ධිය සම්බන්ධව මේ වනවිට සමාජ මාධ්යයේ පළවන වීඩියෝවල දැක්වේ.
මේ අශිෂ්ට හැසිරීම ප්රකට කරන්නේ වත්තල පොලිසියේ රථ වාහන අංශයෙ සාජන්ට් කෙනෙක් වූ වික්රමසිංහ නැමැති පොලිස් කාරයා ය. එම පොලිසියේ ඔහුගේ රථවාහන ප්රධානියා අතාර්කික වත්කම් වංචාවෙන් සහ දූෂණයෙන් උපයා ගත් පුද්ගලයෙක් බව පොලිස් ප්රධානීන්ගේ ද නිරීක්ෂණයට ලක් වී ඇති බවත් මේ ඔහු යටතේ වැඩ කරන ඔහුගේ පහළ නිලධාරීන් බවත් මේ පිළිබඳව පොලිස් ප්රධානීහුම පවසති.
මුළු පොලිසියම අපකීර්තියට පත් කරන මේ සිද්ධිය සම්බන්ධව විධිමත් විනය පරීක්ෂණයක් පැවැත්වෙන බව පොලිස් මූලස්ථානය පවසයි. පහත දැක්වෙන්නේ ඒ අප්රසන්න සිදුවීම සහිත වීඩියෝවය.
