උපේක්ෂා උඩුවැරැල්ල –
මහනුවර නගරය පවිත්ර කිරීමේ මෙහෙයුම අතිශය සාර්ථකව නිමා කළ බව මහනුවර නාගරික වෛද්ය නිලධාරි පසන් ජයසිංහ ප්රකාශ කරයි.
තුන් දහසකට අධික ස්වේච්ඡා ශ්රමිකයින් පිරිසක් ඊයේ සවස 6 සිට අද අළුයම දක්වා වර්ෂාව ද දරා ගනිමින් මෙම පවිත්රතා කටයුත්ත පූරණය කිරීමට කැපවී තිබිණි. පේරාදෙණිය සරසවියෙන් 300ක්. ලංකාව පුරා පොලිස් පරිසර කමිටුවල සමාජිකයින්, ස්වේච්ඡා සංවිධාන, ග්රාමීය ජනතාව, මහනුවර නගර වැසියන්, බාල දක්ෂ කණ්ඩායම්, මේ මහා සද් කාර්යයට ස්ව කැමැත්තෙන් එක් වූහ.
ඔවුන් වෙනුවෙන් ආහාර තේ, කෝපි සැපයීම සඳහා නිදි වරාගෙන දන්සල් පැවැත්වූ හිත් පිරුණු මිනිස්සු වූහ.
මේ වනවිට නගරයේ ටොපි කොලයක් නොමැති තරමට පවිත්ර වී ඇත්තේය. එක් කළ කුණු අද උදෑසන ගොහාගොඩ කුණු කන්දට බැහැර කර අවසන්ය.
දළදා වන්දනා රාජකාරි වෙනුවෙන් ත්රිවිධ හමුදා සහ පොලිස් රාජකාරි සඳහා වෙන් කළ පාසල් ද අද අළුයම වනවිට මේ පිරිස විසින් පවිත්ර කර නිමා කර ඇත.
ඊයේ පස්වරු 4.40 පමණ වනවිට මහනුවර මහ නගර සභාව කසල මෙට්රික් ටොන් 569ක් ගොහාගොඩ කුණු කන්දට බැහැර කර තිබිණි. ස්වේච්ඡා සංවිධානවල දිවා රාත්රී පවිත්රතා මෙහෙයුම ආරම්භ වන්නේ ඉන් අනතුරුවය.
මහනුවර නාගරික වෛද්ය නිලධාරීවරයා මහනුවර වැව රවුම පදික වේදිකාව සෝද පවිත්ර කිරීමත් අද රාත්රියේ සිදුකරන බව හෙළි කළේය.
“මහනුවරට පැමිණෙන්න කිසිවෙක් සැකයක් තියාගන්න එපා.” ඔහු ජනතාවට සහතිකයක් දුන්නේය.
